16 noyabr 2017-ci il tarixdə Xırdalan şəhər 24 nömrəli körpələr evi-uşaq bağçasında “Qızıl Payız “ məhsul bayramı keçirildi.
Tədbirdə bağçanın məktəbəhazırlıq qrupunun uşaqlarının ifasında rəngarəng bayram proqramı təqdim olundu. Uşaqlar azərbaycan və rus dillərində şeirlər söylədilər, mahnılar oxudular, maraqlı rəqslər və gimnastik nömrə nümayiş etdirdilər. Azərbaycan və rus dilində payız fəslinə aid səhnəciklər göstərdilər.
Uşaqların çıxışları tədbir iştirakçıları tərəfindən böyük rəğbətlə qarşılandı.
Bədii hissədən sonra çıxış edən bağçanın müdiri Leyla Bayramova tədbirdə əməyi keçən tərbiyəçilərə, musiqi rəhbərlərinə və kiçik fidanlara dərin təşəkkürünü bildirdi. Bağça müdiri qeyd etdi ki, rayon bağçalarında keçirilən bayram səhərcikləri uşaqları bir fəaliyyətin icrasına, danışmağa motivasiyayaradır ki, buda təlim prosesinin təbiiliyi, idraki proseslərin formalaşması ilə inkişafetdirici təlim mühitinin yaranmasına gətirib çıxarır. Şəxsiyyətin formalaşdırılmasında isə inkişafetdirici mühitin yaradılmasına vacib şərtdir.
Sonda L.Bayramova kiçik fidanlarımız üçün yaradılmış şəraitə, onlara edilən qayğıya, məktəbəqədər təhsil müəssisələrinin işinə ayrılan diqqətə görə Ölkə prezidentinə və rayon rəhbərliyinə minətdarlığını bildirdi.
Tural Kazımlı
