Azərbaycan Prezidenti İlham Əliyevin “Molla Pənah Vaqifin 300 illik yubileyinin keçirilməsi” haqqında verdiyi Sərəncama əsasən Xırdalan şəhər 6 nömrəli tam orta məktəbdə Molla Pənah Vaqifin yaradıcılığına həsr olunmuş tədbir keçirilib.
Tədbiri giriş sözü ilə açan məktəbin direktoru Lamiyə Həsənzadə M.P.Vaqif yaradıcılığından danışaraq, onun əsərlərinin bu günümüzlə səsləşməsini Vaqif şəxsiyyətinin və yaradıcılığının böyüklüyü, həmişəyaşarlılığı ilə əlaqələndirdi. O qeyd etdi ki, belə tədbirlərin şagirdlərin ədəbiyyata sevgi və marağının artmasında müstəsna rolu vardır.
Tədbirdə məktəbin müəllim və şagirdləri Vaqifin şeirlərini səsləndiriblər. Şairin sözlərinə yazılmış mahnı və romanslar, eləcə də muğam və təsniflər, həmçinin aşıq havaları tamaşaçılar tərəfindən maraqla qarşılanıb.
Şamo Əliyev