Abşeron rayonunda Ulu Öndər Heydər Əliyevin anım günü münasibətilə silsilə tədbirlər davam etdirilir.
Rayonun 1, 2, 3, 30 saylı körpələr evi-uşaq bağçalarında da tədbirlər keçirilib.
Xırdalan şəhər 1 saylı körpələr evi-uşaq bağçasında Ulu Öndər Heydər Əliyevin anım günü münasibətilə tədbir keçirilib. Tədbiri giriş sözü ilə bağçanın müdiri Vüsalə Məşədiyeva açıb. O, ümummilli lider Heydər Əliyevin müdrik siyasətə, dönməz əqidəyə və tarixi uzaqgörənliyə malik şəxsiyyət kimi müasir Azərbaycan dövlətinin qurulması istiqamətində atdığı addımlardan bəhs edib.
Daha sonra çıxış edən bağçanın tərbiyəçiləri Ulu Öndər Heydər Əliyevin həyat və fəaliyyəti haqqında ətraflı məruzə etdilər.
Tədbir çərçivəsində bağçanın azyaşlı ədəbi-bədii kompozisiya ilə çıxış edərək ümummilli lider Heydər Əliyevə həsr olunmuş şeirlər söyləyiblər.
Xırdalan şəhər 3 saylı uşaq bağçasında da ulu öndər Heydər Əliyevin anım günü qeyd edilib. Tədbirlər silsiləsinə Xırdalan şəhər 3 saylı bağçanın kollektivi də qoşulub. Tədbirdən önçə Abşeron rayonu Heydər Əliyev mərkəzinə körpə fidanların ekuskursiyası təşkil edilib.
Bağçanın uşaqları Ulu öndərin abidəsi önünə gül dəstələri düzüb və mərkəzlə tanış olublar. Mərkəzlə tanışlıq mərasimindən sonra bağçanın musiqi zalında tədbir keçirilib.
Tədbir Ulu öndərin xatirəsinin bir dəqiqəlik sükutla başlayıb.
Anım tədbirində çıxış edən bağçanın müdiri GülnarəPaşayeva bildirib ki, Ulu Öndərimizin ən böyük arzularından biri də siz uşaqların savadlı və bilikli böyüməsi olub. Bütün zamanların ən böyük azəbaycanlısı, əvəzolunmaz lider olan H. Əliyev bütün fəaliyyəti boyu təhsilə xüsusi önəm verib. Ulu öndərin layiqli davamçısı olan dövlət başçımız İlham Əliyev də bu gün məktəbəqədər təhsil sahəsinə xüsusi qayğı göstərir. “Sizlərin hər birinizin ən önəmli vəzifəsi elmlərin sirlərinə yaxından bələd olaraq Ulu öndərin ruhunu şad etməkdir” deyə bağça müdiri qeyd edib.
Abşeron rayon İcra Hakimiyyətinin əməkdaşları Elnarə Umayeva və Samirə İsmayılzadə çıxışlarında xüsusi vurğulayıb ki, Ulu öndərin ən böyük gücü dərin biliyində, qətiyyətində, işgüzarlığında, hökmündə, qeyri-adi yaddaşında, uzaqgörənliyində, müdrikliyində, ən böyük siyasətçi keyfiyyətlərində, mahir diplomat olmasında, həmsöhbətinə təsir etmək gücünə malik olmasında idi.
Çıxışdan sonra söz bağçanın körpə fidanlarına verilib. Onlar ümummilli lider Heydər Əliyevə həsr edilmiş şeirlər söyləyib, mahnılar səsləndiriblər.
Daha sonra isə Ümummilli lider Heydər Əliyevin keçdiyi nümunəvi həyat yolunu, Azərbaycan Respublikasının qurucusu, müasir Azərbaycan tarixinin yaradıcısı kimi gördüyü işləri, onun siyasi fəaliyyətini özündə əks etdirən videoçarx nümayiş etdirilib.
Silsilə tədbirlərin davamı olaraq 30 nömrəli körpələr evi-uşaq bağçasının Ümummilli liderimiz Heydər Əliyevin anım gününə həsr olunmuş “Xalqın parlaq günəşi” adlı tədbir təşkil edilib. Bağçanın körpə fidanlarının ifasında göstərilən kompoziyada bildirilib ki, adı Azərbaycan xalqının rəmzinə, əməlləri isə hünər timsalına çevrilən, həyat və fəaliyyəti doğma xalqına və torpağa məhəbbət, sədaqət meyarı olan Heydər Əliyevin hər bir kəsin qəlbində sadəliyi, səmimiyyəti, alicənablığı, vətənpərvərliyi və bütün digər yüksək insani keyfiyyətləri əks olunub.
Tədbirdə qonaq qismində iştirak edən Abşeron rayon İcra Hakimiyyətinin əməkdaşları Elanrə Umayeva və Samirə İsmayılzadə çıxış edərək H.Əliyev haqqında olan ali hisslərini, onunla bağlı təəssüratlarını bölüşüblər.
Daha sonra bağçanın balaca sakinlərinin ifasında “Xalqın parlaq günəşi” adlı ədəbi – bədii kompozisiyanümayiş etdirilib.
Ceyranbatan qəsəbə 2 nömrəli körpələr evi-uşaq bağçasında da Ümummilli lider Heydər Əliyevin anım gününə həsr olunmuş tədbir keçirilib.
Tədbirdə bağçanın kollektivi, valideynlər və körpə fidanlar iştirak ediblər.
Tədbiri giriş sözü ilə açan bağçanın müdiri Zeynəb Ağayeva ümummilli lider Heydər Əliyevin həyat və fəaliyyətinə həsr olunmuş məruzə ilə çıxış edib.
Çıxışdan sonra söz bağçnın fidanlarına verilib. Onlar ümummilli lider Heydər Əliyevə həsr edilmiş şeirlər söyləyib, mahnılar səsləndiriblər.
Daha sonra isə Ümummilli lider Heydər Əliyevin keçdiyi nümunəvi həyat yolunu, Azərbaycan Respublikasının qurucusu, müasir Azərbaycan tarixinin yaradıcısı kimi gördüyü işləri, onun siyasi fəaliyyətini özündə əks etdirən videoçarx nümayiş etdirilib.
Şamo Əliyev Xırdalan şəhər 1 saylı uşaq bağçası
Ceyranbatan qəsəbə 2 nömrəli körpələr evi-uşaq bağçası
