Dekabrın 15-i Novxanı kənd 1 nömrəli tam orta məktəbdə “Tarix və coğrafiya fənn aylığı”nın yekununa dair konfrans keçirilib. Konfransda təhsil şöbəsinin əməkdaşları, İcra Hakimiyyətinin nümayəndələri, məktəb rəhbərləri və müəllimlər iştirak ediblər.
Əvvəlcə tədbir iştirakçıları məktəbin nəzdində yaradılmış Tarix muzeyinə baxış keçirib, orada saxlanılan tarixi əşyalara, qədim eksponatlarla tanış olublar.
Məktəbin akt zalında davam edən tədbir Dövlət himinin səslənməsi ilə açıq elan olunub.
Təhsil şöbəsinin müdiri Nazilə Məmmədova tədbir iştirakçılarını salamlayaraq, “Təhsildə keyfiyyət ili” çərçivəsində 15 noyabr tarixindən 15 dekabr 2017-ci il tarixinədək Abşeron Rayon Təhsil Şöbəsinin tabeliyində olan ümumtəhsil məktəblərində “Tarix və coğrafiya fənləri aylığı” elan edildiyini bildirib. Ay ərzində rayon ümumtəhsil məktəblərində açıq nümunəvi dərslərin, qarşılıqlı dərs dinləmələrin keçirildiyi, fənn müsabiqələri, viktorinalar təşkil olunduğu, məktəblərdə şagirdlər tərəfindən divar qəzetləri, fotostendlər, guşələr yaradıldığı qeyd edilib.
Daha sonra elan olunmuş nominasiyalar üzrə qaliblərə diplomlar təqdim olunub.
Tədbir şagirdlərin hazırladıqları musiqili ədəbi-bədii kompozisiya ilə davam edib.