21.12. 2017-ci il tarixində Xırdalan şəhər 15 saylı körpələr evi-uşaq bağçasının məktəbəhazırlıq qrupunda Savad təlimi üzrə açıq məşğələ keçirildi.
Savad təlimi üzrə məşğələni tərbiyəçi Yeganə Rzayeva tədris edib. Savad təlimi məşğələsində “«P» səsi və hərfi” tədris edilib. Məşğələdə uşaqlar tanış olduqları hərflər üzrə tapşırıqlar icra edərək biliklərini nümayiş etdirdilər. Tədqiqatı aparmaq üçün qruplarla iş aparılıb. Körpə fidanlar 4 qrupa bölünüb, qrup daxilində lider seçiblər. Qruplara tapşırıq və iş vərəqləri paylanılıb.
Təlimdə həmçinin mövzunun öyrənilməsi üçün motivasiya qurulub, uşaqlara qrup işində “P p” necə tələffüz edilir? “P p” səsi sözün hansı hissəsində işlənilir?, “P p” səsinin hansı xüsusiyyətləri var?, “P p” səsi necə səsdir?, tərkibində “p” səsi olan sözlərin tapıb şəkillərini çəkilməsi üçün düşündürücü suallar verilib.
Qruplar öz işlərini təqdim etdikdən sonra tərbiyəçi müəllim tərəfindən onların işi müzakirə olunub.
Sonda çıxış edən bağçanın müdiri Mətanət Novruzova aparılan təlim-tərbiyə işinin nəticəsində uşaqların zəruri bilik və məlumatlara yiyələndiklərini, bağçada bir çox istiqamətlərdə müsbət təcrübə toplandığını qeyd edib, pedaqoji kollektivə fəaliyyətində uğurlar arzulayıb.
Daha sonra "Açıq məşğələ"nin dinləyicilərindən Abşeron RİH-in əməkdaşları Elnarə Umayeva, Samirə İsmayılzadə və bir neçə bağça müdirəsi çıxış edərək "açıq məşğələ"nin yüksək səviyyədə keçdiyini, savad təlimi ilə bağlı bağçada uşaqlarla geniş iş aparıldığını, nəticədə onlarda bu sahədə kifayət qədər aydın təsəvvürlər formalaşdığını qeyd edərək, bağçanın rəhbərliyinə, tədbirin təşkilində əməyi olanlara minnətdarlıqlarını bildiriblər
Tural Kazımlı