Qobu qəsəbəsində yerləşən 11 və 16 saylı körpələr evi uşaq bağçalarında 31 dekabr-Dünya Azərbaycanlılarının Həmrəylik Günü və Yeni il münasibəti ilə tədbir keçirilib
Qobu qəsəbə 11 saylı körpələr evi uşaq bağçasında baş tutan mərasimdə çıxış edən Abşeron rayon İcra Hakimiyətinin əməkdaşı Seymur Qasımov arxada qalan 2017-cı ildə rayonda görülmüş işlər, gələcəkdə həyata keçiriləcək layihələr barədə məlumat verərək tədbir iştirakçılarını - Dünya Azəbaycanlılarının Həmrəyliyi günü və yeni il münasibəti ilə təbrik edib.
Qeyd olundu ki, 31 Dekabr tarixi Azərbaycan millətinin ümumdünya birlik günüdür. Bu bayram ayrı-ayrı ölkələrdə yaşayan azərbaycanlılarla əlaqələr qurmaq, onlar arasında birlik və həmrəylik yaratmaq işində mühüm rol oynayır və dünyanın 70-dən çox ölkəsində yaşayan azərbaycanlılar tərəfindən qeyd olunur.
Bayram şənliyində çıxış edən bağçanın müdiri Kəmalə Nəcəfova bildirib ki, 1991-ci il dekabrın 16-da Naxçıvan Muxtar Respublikasının Ali Məclisinin sədri Heydər Əliyev dünya azərbaycanlılarının birliyini yaratmağın əhəmiyyətini nəzərə alaraq, dekabrın 31-ni Dünya Azərbaycanlılarının Həmrəyliyi Günü elan etdi. Beləliklə, 31 dekabr tarixi bütün azərbaycanlılar üçün əziz olan Dünya Azərbaycanlılarının həmrəylik günü kimi qeyd edilir.
Ümummilli lider Heydər Əliyevin siyasi kursunun layiqli davamçısı, Azərbaycan Respublikasının Prezidenti cənab İlham Əliyev hazırda ulu öndərin bu estafetini də uğurla davam etdirir. Hazırda ölkə başçısının gördüyü işlər, həyata keçirilən siyasət Azərbaycan həqiqətlərinin bütün dünyaya çatdırılmasında mühüm rol oynayır.
Şaxta baba və qarqızın müşaiyəti ilə keçirilən şənlikdə uşaqların ifasında vətənpərvərlik şerləri və mahınları səsləndirilib, əlvan yolka ətrafında yeni il musiqilərinin sədaları ilə dövrə vurulub, bayramlara həsr olunmuş maraqlı kompozisiyalar nümayiş edilib. Olduqca maraqlı və əyləncəli şəraitdə keçən şənlik uşaqların böyük sevincinə səbəb olub.
Qobu qəsəbə 16 saylı körpələr evi uşaq bağçasında 31 dekabr-Dünya Azərbaycanlılarının Həmrəylik Günü və Yeni İl münasibətilə tədbir keçirilib. Tədbiri giriş sözü ilə açan Abşeron RİH-in nümayəndəsi S.Qasımov tədbir iştirakçılarını hər iki bayram münasibətilə trəbrik edərək rayon ərazisində 2017-ci ildə görülən işlər barədə məlumat verib. 2017-ci ildə prezident İlham Əliyevin Abşeron rayonunda açılışda iştirak etdiyini deyən icra rəsmisi bildirib ki, bu müddətr ərzində rayonda bir neçə yeni obyektlər açılıb, insanların sosial rifahının yaxşılaşdırılması üçün tədbirlər görülüb: "Yeni bağçaların açılması üzrə Abşeron rayonu Azərbaycanın qabaqcıl rayonları sırasında irəliləyir. Bu siyasət bu gün də davam etdirilir və yeni iş yerlərinin açılması üçün tədbirlər görülməkdədir"
Yeni il şənliyində bağçanın müdiri Sara Həsənova çıxış edərək balaca fidanları bayram münasibətilə təbrik edib. Bildirib ki, ulu öndər Heydər Əliyevin qurucusu olduğu Azərbaycanda uşaqların vətənpərvər ruhda böyüməsinə xüsusi diqqət göstərilir. O, Heydər Əliyevin Azərbaycançılıq ideologiyasının əhəmiyyətindən danışaraq qeyd edib ki, ən yeni tariximizdə dünya azərbaycanlılarının milli həmrəyliyinə nail olunması Ümummilli Liderimizin adı ilə bağlıdır.
Daha sonra balaca fidanların hazırladıqları müxtəlif rəqs nömrələri, Yeni ilə həsr olunmuş şeirlər, bir neçə xalq nağılı əsasında hazırlanmış səhnəciklər şənliyə xoş ovqat qatıb.
Qobu qəsəbə 11 saylı körpələr evi uşaq bağçası Qobu qəsəbə 16 saylı körpələr evi uşaq bağçası