Xırdalan şəhər 27 nömrəli körpələr evi-uşaq bağçasının məktəbəhazırlıq qrupunda “Riyaziyyat” fənni üzrə açıq məşğələ keçirildi.
Zala daxil olan uşaqlar tədbir iştirakçılarını salamladıqdan sonra məşğələ başladı. Bağçanın uşaqları ilə "açıq məşğələ"ni Həcər İbrahimova aparırdı.
Məşğələdə tərbiyəçi uşaqlarla keçilən mövzunu (10 ədədi) təkrarladı. Uşaqlar bu mövzulara aid müxtəlif tapşırıqları icra etdilər. Tərbiyəçi yeni “Məsələ həlli” mövzusu haqqında məlumat verdi. Uşaqlar onlara verilən müxtəlif məsələləri həll etməyə çalışdılar.
Abşeron RİH-in əməkdaşı Samirə İsmayılzadə və bağçanın müdiri Samirə Məmmədova çıxış edərək qeyd etdilər ki, kurikulum əsasında keçirilən “Riyaziyyat” fənni üzrə açıq məşğələdə məqsəd, yuxarı yaş qrupunda tərbiyə alan uşaqların il ərzində riyaziyyat biliklərinə nə dərəcədə yiyələndiklərini aşkara çıxarmaq, bu sahədə toplanmış təcrübəni bölüşmək idi.
Vurğulandı ki, uşaqlar bizim gələcəyimizdir, və bu uşaqların gələcəyi də bizim əlimizdədir. Onların tərbiyəsinin və riyazi biliklərinin formalaşmasında körpələr evi-uşaq bağçasının rolu böyükdür və bu işdə məsuliyyət daha çox tərbiyəçilərin üzərinə düşür. Odur ki, körpə fidanlara qayğı ilə yanaşmaq, doğru yola istiqamətləndirmək lazımdır.
