Xırdalan şəhər 4 nömrəli tam orta məktəbdə “Qış nağılı” adlı Yeni il tədbiri keçirilib. Tədbirdə Rayon Təhsil Şöbəsinin əməkdaşları, KİV nümayəndələri, məktəbin pedaqoji kollektivi, valideyn və şagirdlər iştirak ediblər.
Əvvəlcə məktəbin şagirdi Maisə Babayeva “Pifaqor Akademiyası” nın keçirdiyi Abşeron rayon üzrə Riyaziyyat-Məntiq olimpiadasında VII siniflər arasında I yer tutduğuna görə Akademiyanın sertifikatı və medalı ilə təltif olunub.
Bayram şənliyində giriş sözü illə çıxış edən məktəbin direktoru Zəminə Nuriyeva hər kəsi 31 dekabr - Dünya Azərbaycanlılarının Həmrəyliyi Günü və eyni zamanda Yeni il münasibətilə təbrik edib, onlara gələcək fəaliyyətlərində uğurlar arzulayıb.
Z.Nuriyeva ümummilli lider Heydər Əliyevin uzaqgörən siyasətinin bariz nümunəsi olan 31 Dekabr -Dünya Azərbaycanlılarının Həmrəyliyi Gününün təsis edilməsinin tarixi əhəmiyyətini xüsusi vurğulayıb və bu barədə ətraflı məlumat verib.
Tədbir şagirdlərin hazırladıqları rəngarəng səhnəciklərlə, vətənpərvərlik mövzusunda mahnılar, yeni ilə aid şeirlər, oyun və viktorinalarla davam edib.
Şamo Əliyev
