Xırdalan şəhər 24 saylı körpələr evi-uşaq bağçasında 31 dekabr- Dünya Azərbaycanlılarının Həmrəylik günü və yeni il tədbiri keçirildi.
Tədbirdə rayon İcra Hakimiyyətinin əməkdaşları Elnarə Umayeva və Samirə İsmayılzadə, məktəbəqədər tərbiyə müəssisələrinin rəhbərləri, bağçanın kollektivi və valideynlər iştirak etdilər.
Bayram şənliyində çıxış edən bağçanın müdiri Leyla Bayramova bildirdi ki, 1991-ci il dekabrın 16-da Naxçıvan Muxtar Respublikasının Ali Məclisinin sədri Heydər Əliyev dünya azərbaycanlılarının birliyini yaratmağın əhəmiyyətini nəzərə alaraq, dekabrın 31-ni Dünya Azərbaycanlılarının Həmrəyliyi Günü elan etdi. Beləliklə, 31 dekabr tarixi bütün azərbaycanlılar üçün əziz olan Dünya Azərbaycanlılarının həmrəylik günü kimi qeyd edilir.
Ümummilli lider Heydər Əliyevin siyasi kursunun layiqli davamçısı, Azərbaycan Respublikasının Prezidenti cənab İlham Əliyev hazırda ulu öndərin bu estafetini də uğurla davam etdirir. Hazırda ölkə başçısının gördüyü işlər, həyata keçirilən siyasət Azərbaycan həqiqətlərinin bütün dünyaya çatdırılmasında mühüm rol oynayır.
İcra Hakimiyyətinin məsul işçiləri E.Umayeva və S.İsmayılzadə tədbirdə çıxış edərək qarşıdan gələn 31 dekabr- Dünya Azərbaycanlılarının Həmrəylik günü və Yeni il bayramı münasibətilə bağçanın kollektivini təbrik etdilər və xoş arzularını bildirdilər.
Şaxta baba və qarqızın müşaiyəti ilə keçirilən şənlikdə uşaqların ifasında vətənpərvərlik şerləri və mahınları səsləndirildi, əlvan yolka ətrafında yeni il musiqilərinin sədaları ilə dövrə vuruldu, bayramlara həsr olunmuş maraqlı kompozisiyalar nümayiş etdirildi.
Olduqca maraqlı və əyləncəli şəraitdə keçən şənlik uşaqların böyük sevincinə səbəb oldu.
Tural Kazımlı