Xırdalan şəhər 1 saylı körpələr evi-uşaq bağçasında 31 dekabr- Dünya Azərbaycanlılarının Həmrəyliyi Günü və Yeni İl bayramı münasibəti ilə bayram şənliyi keçirildi.
Tədbiri giriş sözü ilə açan bağçanın müdiri Vüsalə Məşədiyeva qarşıdan gələn 31 dekabr- Dünya Azərbaycanlılarının Həmrəylik günü və Yeni il bayramı münasibətilə bağçanın kollektivini təbrik etdi və xoş arzularını bildirdi.
V. Məşədiyeva qeyd etdi ki, Azərbaycan Respublikasının Prezidenti cənab İlham Əliyev və Heydər Əliyev Fondunun Prezidenti Mehriban xanım Əliyeva tərəfindən məktəbəqədər tərbiyə müəssisələrinə göstərilən xüsusi qayğının nəticəsidir ki, bu gün rayonumuzda ən müasir tələblərə cavab verən bağçalar tikilərək istifadəyə verilib.Bu bağçalarda uşaqlarin istirahəti və təhsili üçün hər cür şərait yaradılıb.
Tədbirdə uşaqlar tərəfindən ifa olunan müxtəlif səpkili səhnəciklər, şer və mahnılar maraqla qarşılandı.
Tural Kazımlı