Xırdalan şəhər 8 nömrəli tam orta məktəbdə 20 Yanvar – Ümumxalq Hüzn Gününə həsr edilmiş ingilis dilində tədbir keçirilib.
Məktəbin direktoru Xatirə Şabanova 1990-cı il yanvarın 19-dan 20-nə keçən gecə sovet qoşunlarının xalqımıza elan olunmamış təcavüzündən, hərbi birləşmələrin törətdikləri vəhşilikdən geniş söhbət açılıb.
Bildirilib ki, ümummilli lider Heydər Əliyev xalqın təkidli tələbi ilə siyasi hakimiyyətə qayıtdıqdan sonra 20 Yanvar hadisələrinə hüquqi-siyasi qiymət verilmişdir.
Azərbaycanın azadlıq və müstəqillik mübarizəsi tarixində mühüm mərhələ olmuş 20 Yanvar faciəsi qurbanlarının xatirəsi hər il yad olunur, Şəhidlər xiyabanı ziyarət edilir.
Sonra çıxış edən Abşeron Təhsil şöbəsinin ingilis dili fənni üzrə metodisti Yaydagül Rəhimova bildirib ki, 20 Yanvar hüzn günü olmaqla yanaşı, xalqımızın müstəqillik uğrunda şanlı mübarizəsinin qəhrəmanlıq zirvələrindəndir. Azərbaycan, Vətən, torpaq naminə şəhid olan oğul və qızlarımızın xatirəsi daim yaddaşlarda yaşayacaq.
Sonda məktəblilərin ifasında 20 Yanvar faciəsinə həsr olunmuş ingilis dilində ədəbi-bədii kompozisiya təqdim edilib.
Şamo Əliyev
