19.01.2018-ci il tarixində Mehdiabad qəsəbə 4 nömrəli tam orta məktəbdə 20 Yanvar faciəsinin 28-ci ildönümünə həsr olunmuş "20 Yanvar yetişməkdə olan gənc nəslin gözü ilə" adlı dəyirmi masa keçirildi.
Tədbirdə məktəbin direktoru Elnurə Cavadzadə, müəllimlər və şagirdlər iştirak edirdilər.
Anım tədbirini məktəbin müəllimi Günel Alışlı açıq elan etdikdən sonra, şəhidlərin ruhu bir dəqiqəlik sükutla yad edildi.
20 Yanvar faciəsinin canlı şahidləri olan müəllimlər- Rafiq Məmmədov və Ərkinaz Həsənova həmin günün dəhşətlərindən danışdılar.
Daha sonra şagirdlərə söz verildi. Yaradıcı şagirdlərin 20 Yanvar facisinə həsr etdikləri şeirlər dinlənildi, rəsmlərə baxış keçirildi.
Sonda məktəbin direktoru E.Cavadzadə 20 Yanvar faciəsinin bizim şərəfli tariximiz olduğunu vurğuladı. Şagirdlərə bu faciəni öz qələm və fırçalarında əks etdirdikləri üçün öz minnətdarlığını bildirdi.