Mehdiabad qəsəbə 4№li tam orta məktəbdə ingilis dili aylığına “We love Ehglish” adlı tədbirlə yekun vuruldu.
Məktəbin şagird və müəllim kollektivi və Abşeron RTŞ-nın metodistlərinin də iştirak etdiyi tədbir maraqlı çıxışlarla yadda qaldı. Balacaların ifasında “Hello” və “Clap your hands” mahnısı rəğbətlə qarşılandı.
Dahi Azərbaycan bəstəkarı Üzeyir Hacıbəyovun “Arşın mal alan” operettası və ingilis dramaturqu V.Şekspirin “Romeo və Cülyetta” əsərindən fraqmentlərin şagirdlərin ifasında səhnələşdirilməsi tədbirə xüsusi rəng qatdı.
Ədəbi –bədii kompozisiyalar sırasında şeir parçaları, ingilis dilinə aid slaydlar da yer aldı.
Sonda məktəb rəhbərliyi və qonaqlar tədbirlə bağlı öz təəssüratlarını bölüşdülər.