Bu gün Ceyranbatan 2 saylı uşaq bağçasının körpə fidanları Xocali faciəsinin 26 - cı ildönümü ilə əlaqədar "Ana Fəryadı" abidəsini ziyarət ediblər. Onlar Abidə önünə qərənfillər qoyaraq Xocalı şəhidlərinin xatirəsini bir dəqiqəlik sükutla yad edib, daha sonra şeirlər söyləyiblər. Sonra bağçanın fidanları abidə önündə xatirə şəkli çəkdiriblər.
Bağçanın müdiri Zeynəb Ağayeva Absheronxeber.az-a müsahibə verərək millətimizə qarşı törədilmiş bu faciə haqqında fikirlərini bildirib. Z.Ağayeva qeyd edib ki, bu cür tədbirlərin keçirilməsi ölkəmizin müstəqilliyi uğrunda mübarizədə canlarını qurban vermiş vətən övladlarını yad etmək, böyüməkdə olan nəsildə doğma Vətənə sevgi, məhəbbət hissləri aşılamaq, körpə fidanlar arasında milli vətənpərvərlik ruhunu yüksəltmək və Xocalı soyqırımı haqqında həqiqətləri çatdırmaq məqsədlərinə xidmət edir.
Şamo Əliyev