Hərbi Prokurorluq və Mehdiabad 4 nömrəli məktəbin birgə təşkilatçılığı ilə tədbir keçirilib
Tarix:28-02-2018, 01:36
26.02.2018- ci il tarixində Memorial Soyqırımı Muzeyində “Xocalı qisasa səslər...”adlı anım mərasimi keçirilib.
Azərbaycan Respublikası Hərbi Prokurorluğu ilə Abşeron rayon Mehdiabad qəsəbə 4 nömrəli tam orta məktəbin birgə təşkilatçılığı ilə reallaşdıralan tədbirdə prokurorluğun əməkdaşları, Abşeron Rayon Təhsil Şöbəsinin nümayəndələri, eləcə də Xocalı faciəsinin şahidləri iştirak edib.
Respublika Hərbi Prokurorluğunun Kadrlar və Hüquqi Təminat Şöbəsinin prokuroru, Ədliyyə kapitanı Vüsal Əliyev tərəfindən tədbir iştirakçılarına muzeydə saxlanılan eksponatlar, həmçinin Xocalı faciəsini əks etdirən tarixi sənədlər barədə ətraflı məlumat verilib.
Respublika Hərbi Prokurorluğu Xüsusi İstintaq Şöbəsinin rəisi, Baş Ədliyyə müşaviri Emil Tağıyev çıxış edərək Xocalı şəhərində ermənilərin törətdiyi misli görülməyən vəhşiliklərdən danışıb. Xocalı şahidləri o müdhiş gecənin vəhşətini iştirakçılarla bölüşüb.
Sonda Mehdiabad qəsəbə 4 nömrəli tam orta məktəbin şagirdlərinin ifasında ədəbi-bədii kompozisiya və Azərbaycan Respublikası Hərbi Prokurorluğu tərəfindən hazırlanmış “Əsrin faciəsi” sənədli filmi nümayiş olunub.