Martın 29-da Abşeron Rayon Təhsil Şöbəsinin təşkilatçılığı ilə “İnternet əsri olsa da, internetin əsiri olmayaq” adlı seminar keçirilib. Seminarda təhsil şöbəsini əməkdaşları, informatika müəllimləri, şagirdlər və valideynlər iştirak ediblər.
Təhsil şöbəsini müdiri Nazilə Məmmədova giriş sözü ilə çıxış edərək, seminarın keçirilməsində əsas məqsədin şagirdləri internetin faydalı və ziyanlı tərəfləri haqqında maarifləndirmək olduğunu bildirib.
Seminarda çıxış edən müəllimlər və şagirdlər kompüter və internetdən bilik və bacarığı artırmaq məqsədilə necə faydalanmağın yollarından, internetin zərərli tərəflərindən qorumaq haqqında geniş şəkildə danışıblar.
Seminar qarşılıqlı müzakirələr şəklində davam edib.
