Bu gün məktəb qarşısında duran ən önəmli vəzifə milli ruhlu vətəndaş, şəxsiyyət yetişdirməkdir.Şagird şəxsiyyətinin formalaşması məsələsində məktəblə valideyn əlaqəsi məktəblər və onun ən aparıcı quvvəsi olan müəllimlərdən böyük məsuliyyət tələb edir.Gənc nəslin tərbiyəsi daima diqqət mərkəzində olmuşdur.Tarix boyunca hər bir xalq özünün müsbət və ideal hesab etdiyi nə varsa,hamısını gənc nəslə ötürmək üçün əlindən gələni etmişdir.Hazırda təhsil sahəsində gedən əsas islahatlardan biri də təkmilləşmə yeniləşmə prosesinə daxil olan müəllim- valideyn münasibətləri istiqamətində məktəbin yenidən qurulmasıdır.
Məktəb təlim tərbiyə ocağıdır.Məktəbdə əsas məqsəd cəmiyyət üçün savadlı vətənsevər yüksək mənliyə və ləyaqatə malik əxlaqi və mənəvi dəyərlərə sahib olan şəxsiyyət yetişdirməkdir. Bu cür şəxsiyyətlər o zaman tam formalaşır ki müəllim- valideyin, məktəb- valideyn münasibətlərinin vəhdəti ön planda olsun.
Elə bu səbəbdən də 28 aprelin 2018-ci il tarixdə Xırdalan şəhər 8 nömrəli tam orta məktəbdə “ Dünənin, bu günün, sabahın əsgəri “mövzusunda valideyn-iclası keçirildi.
Toplantıda məktəbin valideyn assosiasiyasının üzvləri-Müdafiə Nazirliyinin Mənəvi-Psixoloji Hazırlıq və İctimaiyyətlə Əlaqələr İdarəsinin zabiti polkovnik-leytenant Emin Səfərov, ehtiyatda olan polkovnik-leytenant Elmar Hüseynov, Bakı Mühəndislik Universitetinin fizika-riyaziyyat kafedrasının müdiri Yusif Abdullayev, 10– dan artıq valideyn və məktəbin müəllimləri iştirak edirdi.
İclası giriş sözü ilə məktəbin direktoru Xatirə Şabanova açdı. Direktor günün ən aktual məsələlərinə toxundu və qeyd etdi ki, məktəblə valideyn əlaqəsi məktəblərin qarşısında mühüm vəzifələr qoyur. X.Şabanova bu cür görüşün gənclərin hərbi vətənpərvərlik tərbiyəsi işini gücləndirmək, gənc nəsli milli dövlətçilik ruhunda tərbiyə etmək, onlarda müstəqil dövlətimizə sədaqət hissini daha da möhkəmləndirmək məqsədi daşıdığını diqqətə çatdırdı. Məktəb rəhbərliyi çıxışında məktəblərdə gənclərin hərbi-vətənpərvərlik ruhunda tərbiyə olunması istiqamətində görülən işlərdən də söz açdı. Qeyd olundu ki, məktəblərdə hərbi-vətənpərvərlik tərbiyəsinin düzgün qurulması nəticəsində son illər şagirdlərin hərbi məktəblərə marağının artmasına səbəb olub.
Ehtiyatda olan polkovnik-leytenant Elmar Hüseynov tariximizin və ölkəmizlə bağlı həqiqətlərin gənclərə öyrədilməsi baxımından belə görüşlərin əhəmiyyətini vurğulayıb, bu görüşün təşkilinə görə valdeyinlər adından məktəb rəhbərliyinə minnətdarlığını çatdırdı. O qeyd etdi ki, hazırda ölkə gənclərinin hərbi vətənpərvərlik ruhunda tərbiyəsinə xüsusi diqqət yetirilir. Torpaqlarımızın işğaldan azad edilməsi üçün Prezident, Silahlı Qüvvələrin Ali Baş Komandanı İlham Əliyev tərəfindən ardıcıl və qətiyyətli iş aparılır. Azərbaycanın güclü ordusunun yaradılması, müharibə əlillərinin, şəhid ailələrinin sosial müdafiəsinin gücləndirilməsi, veteranlara qayğı məhz bu fəaliyyətin nəticələridir.
Görüşün sonunda şagirdlərdə vətənpərvərlik hissini, milli və mənəvi dəyərləri formalaşdırmaq məqsədi ilə aşağıdakı qərarlar qəbul edildi: 1.May ayının 4-də Bakı Mühəndislik Universitetində keçiriləcək sərgiyə şagirdlərin səfərinin təşkili
2. May ayının 18-də şagirdlərin Qazilər müzeyinə ekskursyasının təşkili
3.İyin ayının 10-da Murov dağına şagirdlərin avtobusla səfərinin təşkili
