16 may 2018-ci il tarixində Xırdalan şəhər 2 nömrəli tam orta məktəbdə Azərbaycan Xalq Cumhuriyyətinin 100 illiyinə həsr olunmuş tədbir keçirilib.
Əvvəlcə məktəbin foyesində şagirdlərinin əl işlərindən ibarət "Cumhuriyyət 100" adlı rəsm sərgisinə baxış keçirilib.
Dövlət himninin səsləndirilməsi ilə başlanan tədbirdə Azərbaycan Xalq Cumhuriyyətinin tarixinə dair film nümayiş olunub.
Tədbirdə iştirakçılara şanlı tariximiz haqqında geniş məlumat verilib,mahnı və şerlərdən ibarət kompozisiyalar səsləndirilib. Kompozisiyalarda Cümhuriyyət tarixinin bütün anları, Cümhuriyyətə münasibət şeir parçaları, mahnılar və nəsr parçaları ilə əks etdirilib.
Məktəbin tarix müəllimi Vüsal Kazımov müəllim və şagird kollektivinin, həmçinin valideynlərin iştirak etdikləri tədbirdə “Azərbaycan Xalq Cümhuriyyəti İli” çərçivəsində təhsil ocağında keçirilən silsilə maarifləndirici görüşlər barədə məlumat verib, bu cür tədbirlərin gənc nəslin milli şüurunun formalaşdırılmasında müstəsna rolu olduğunu bildirib.
V.Kazımov Azərbaycan türkcəsinin dövlət dili kimi qəbul edilməsi, məktəblərin milliləşdirilməsi, Qori müəllimlər seminariyasının müsəlman şöbəsinin Qazaxa köçürülməsi, müəllim kadrlarının hazırlanması istiqamətində həyata keçirilən tədbirlərin önəmini qeyd edib, BDU-nun yaradılması, gənclərin Avropa və dünyanın nüfuzlu universitetlərində təhsil almağa göndərilməsi kimi mühüm hadisələr barədə məlumat verib.
Sonra məktəbin şagirdləri köynəklərində əks olunmuş hərif və rəqəmləri birləşdirərək “ CUMHURİYYƏT 100 “ təsvirini yaradıblar.
Sonda məktəbin ictimai işlərində və tədbirlərində fəallıq göstərdiyinə görə şagirdlərə tərifnamə verilib.
Şamo Əliyev
