İlk imtahanda 675, ikinci imtahanda 700 bal topladı
I ixtisas qrupu üzrə keçirilən qəbul imtahanında Xırdalan şəhər 9 nömrəli tam orta məktəbin şagirdi ən yüksək nəticə əldə edib. Dövlət İmtahan Mərkəzinin (DİM) I ixtisas qrupunun abituriyentləri üçün keçirdiyi qəbul imtahanında iştirak edən Xırdalan şəhər 9 nömrəli tam orta məktəbin şagirdi Zamanlı Elgün Famil oğlu 700 bal toplayıb. İmtahanda təqdim olunmuş bütün test tapşırıqlarına düzgün cavab verən Elgün Zamanlı maksimum nəticə əldə edən Abşeron rayonunun iki abituriyentdən biridir.