Təhsildə inkişaf və innovasiyalar üzrə 2-ci qrant müsabiqəsinin qalibi Abşeron rayon, Xırdalan şəhər 2 nömrəli orta məktəbdə ‘’Dinamik Təhsil’’ layihəsinə start verildi.
Abşeron rayon, Xırdalan 2 saylı tam orta məktəbin direktoru Ədalət Camalova bildirib ki, məktəbimiz ‘’Təhsildə inkişaf və innovasiyalar üzrə 2 qrant müsabiqə’’ nin qalibi olub. Beləki, məktəbin ingilis dili müəllimi Elnarə Həsənova I qrant müsabiqədə fərdi kateqoriya üzrə 3000 AZN dəyərində ‘’İngilis dilinin kreativ tədrisi’’ , II qrant müsabiqədə Ümumi təhsil müəssisələri üzrə kateqoriya üzrə isə 13.000 AZN dəyərində ‘’Dinamik Təhsil’’ qrant müsabiqəsinin qalibi olmuşdur. Abşeron rayonunun mərkəzində 10 məktəb və kənd/qəsəbədə 30 məktəb olaraq 40 məktəb üzrə keçiriləcək. Layihənin əsas məqsədlərindən biri olan pedaqoji işçilərin peşəkarlıq səviyyəsinin yüksəldilməsi üçün Abşeron məktəblərindəki İngilis dili müəllimləri 21 gün ərzində təlimlərə cəlb olunaraq elektron resuslardan istifadə və qramatikanı yeni beynəlxalq proqramlar əsasında tədrisi ilə yaxından tanış olacaqlar. Təlimlər Beynəlxalq sertifikatlaşdırılmış xarici təcrübəyə malik 2 təlimçi müəllim Rəsmiyyə Bədirova və Elnarə Həsənova tərəfindən həyata keçiriləcək.
Dinamik Təhsil layihəsi çərçivəsində yaradılacaq www.teacherspayteachers.az saytının köməkliyi ilə hətta ən ucqar rayondakı müəllimlərlə belə təcrübə mübadiləmiz asanlaşacaq. Həmçinin təlimlərdə iştirak edən müəllimlər iş vərəqələrini, gündəlik dərslərdən şəkil və qısa metrajlı video sujetləri səhifədə yerləşdirərək valideynləri bir internet portaldan məlumatlandırmaq şansı qazanacaqlar. Bu da digər rayon və kənd məktəblərinin müəllimləri ilə təcrübə mübadiləsinə kömək edəcək.
Layihəyə 20.08.2018-ci tarixindən Dinamik Təhsil layihəsinə Xırdalan şəhər 2 saylı orta məktəbdə aşağıdakı qrafik üzrə start veriləcək.
20 - 22 avqust - Xırdalan 2 saylı tam orta məktəb
23 - 27 avqust Xırdalan şəhər 3, 4 , 5 saylı tam orta məktəblər
28- 30 avqust tarixlərində Xırdalan 6, 7, 8 saylı tam orta məktəblər
31 avqust , 3, 4 sentyabr Xırdalan 9-10, Novxanı 1 və 2 saylı, Ceyranbatan 1, 2 saylı tam orta məktəblər
5-7 sentyabr tarixlərində Masazır 1, 2, 3, 4 5 saylı və Saray qəsəbəsi 1,2,3 saylı məktəblər
8 - 11 sentyabr tarixlərində Hökməli orta məktəb, Qobu 1,2,3 Pirəkuşkil, Çayli, Qobustan, Aşağı Güzdək -1, 2 saylı məktəblər
12 -14 sentyabr tarixlərində Mehdiabad 1 2, 3, 4 Fatmayi kəndi, Görədil və Digah .Məmmədli, Güzdək və Aşağı Güzdək məktəbləri