Artıq ikinci tədris ilidir ki, Abşeron rayon Təhsil Şöbəsi hər ayı bir fənnə həsr edərək "Fənn aylığı" keçirir.Fənn aylığı çərçivəsində həmin fənni tədris edən müəllimlər açıq dərslər təqdim edir, fənnə uyğun ədəbi bədii gecələr hazırlayır, şagirdlər arasında müsabiqələr keçirirlər.Bu zaman müəllimlər, hətta məktəblər arasında sağlam rəqabət yaranır.Hər kəs biri-birindən yaradıcı fikirləri, maraqlı düşüncələri ilə seçilməyə çalışır.Qarşılıqlı dərsdinləmələr, məktəblərarası iş mübadiləsi fənnə olan marağı daha da artırır.Təhsil şöbəsi isə gedən bu prosesləri yaxından izləyir, metodiki ustalığı ilə seçilən müəllimləri, istedadlı şagirdləri aşkarlayıb, öz yekun tədbirində ictimaiyyətə təqdim edir.
Keçirilən növbəti aylıq isə İbtidai sinif fənnləri aylığı oldu.Aylıqda Abşeron rayonunun 36 məktəbi iştirak etdi.Aylıq ərzində görülən işlər yekun tədbirdə özünü göstərdi.Seçilmiş maraqlı səhnə nümunələri, bacarıqlı əlləri olan şagirdlər, istedadlı məktəblilər öz işlərini nümayiş etdirdilər.
Kurikulum tədris mərkəzinin rəhbəri Ənvər Abbasov və mərkəzin digər nümayəndələri, Təhsil Problemləri İnistitutunun nümayəndələri tədbirin qonağı oldular.
Sonda Abşeron rayon Təhsil Şöbəsinin müdiri Nadir Ağayev aylıqda seçilən bir qrup müəllimi Təhsil Şöbəsinin Fəxri fərmanı ilə qiymətləndirdi.
Redaktor: Çinarə Sadıqova