Abşeron rayon Xırdalan şəhər 27 nömrəli körpələr evi-uşaq bağçasında “Payız uşaqların gözü ilə” adlı tədbir keçirilib. Əvvəlçə tədbir iştirakçıları, bağçanın tərbiyəçi müəllimlərinin və körpə fidanların əl işlərindən ibarət payız fəslini əks etdirən sərgi ilə yaxından tanış olublar.
Tədbiri giriş sözü ilə açan bağçanın müdiri Samirə Məmmədova, Abşeron rayon İcra Hakimiyyətinin başçısı İradə Gülməmmədovanın məktəbəqədər təhsilə göstərdiyi qayğı nəticəsində əldə edilən nailiyyətlərdən, körpə fidanların hərtərəfli inkişafı ilə əlaqədar həyata keçirilən uğurlu layihələrdən bəhs edib.
S.Məmmədova qeyd edib ki, 27 №-li körpələr evi-uşaq bağçasında məktəbəqədər təhsillə yanaşı, uşaqların dünyagörüşlərinin, o cümlədən yaradıcılıq qabiliyyətlərinin daha da inkişaf etdirilməsi istiqamətində mütəmadi olaraq tədbirlər keçirilir, müsabiqələr elan edilir.
Tədbirdə Abşeron RİH-in əməkdaşı Seymur Qasımov çıxış edərək bağçanın tərbiyəçi müəllimlərinin və körpə fidanların əl işlərini yüksək qiymətləndirib. S.Qasımov balaca yaşdan balaca fidanların bu cür maariflənməsi, dünyagörüşlərinin zəngin olmasının əhəmiyyətini vurğulayaraq, onlara uğurlar diləyib.
Şənlikdə bağçanın müxtəlif yaş qruplarından olan uşaqların ifasında payız fəsili haqqında mahnı, rəqs və səhnəciklərdən ibarət nömrələrlər nümayiş olunub.
Sonda əl işlərinə görə 1, 2 və 3-cü yerin qalibləri mükafatlandırılıb.
Tural Kazımlı