Mehdiabad qəsəbə 18 saylı körpələr-evi uşaq bağçasında Azərbaycan Respublikasının dövlət müstəqilliyinin bərpasının 27-cı ildönümü münasibətilə tədbir keçirilib. Tədbirdə bağçanın müdirəsi Aygün Həsənova xalqımızın XX əsrin 90-cı illərinin əvvəllərində dövlət müstəqilliyini bərpa etməsini əlamətdar tarixi hadisə olduğunu xatırladıb.
Müasir müstəqil dövlətimizin yaranmasında və möhkəmlənməsində ulu öndər Heydər Əliyevin müstəsna xidmətlərini vurğulayan A.Həsənova ölkəmizdə qazanılan nailiyyətlərdən danışıb.
Tədbirdə bağçanın körpə fidanları vətənpərvərlik mövzularında mahnılar ifa edib, şeirlər söyləyiblər.
Sonda respublikamızın sürətli inkişafından bəhs edən videoçarx nümayiş etdirilib.