"Özülü düzgün atılmış bu gün-inamlı sabahın qarantıdır" devizi altında Mehdiabad qəsəbə 4 nömrəli tam orta məktəbdə şagirdlər arasında maarifləndirmə işi davam etdirilir. Yeniyetmələrin ixtisas yönümü üzrə istiqamətləndirilməsinə kömək məqsədilə bir qrup şagirdin Azərbaycan Tibb Universiteti nəzdində Anatomiya muzeyinə ekskursiyası təşkil edilib. Burada şagirdlərə həkimlik sənətinin şərəfli olduğu qədər məsuliyyəti barədə məlumat verilib, mütəxəssis rəyləri dinlənilib. Qeyd olunub ki, anatomiya muzeyi dünyada ilk dəfə olaraq yalnız Azərbaycanda yaradılıb.
"Bütün peşələr gözəldir" layihəsi çərçivəsində isə digər qrup şagird qəsəbədə fəaliyyət göstərən çörək zavodunda olublar. Burada isə şagirdlər süfrəmizin bəzəyi olan müqəddəs nemətin hazırlıq prosesi ilə tanış olublar. Dəzgahlarda bacarıqlarını sınayıblar. Qeyd olunub ki, bişirmək özü də böyük elm və bacarıq tələb edir. Peşəsindən asılı olmayaraq hər kəs zəhməti sevməli, vətənə layiqli vətəndaş olmağı bacarmalıdır.