Abşeron rayon, Masazır kənd 30 saylı körpələr evi-uşaq bağçasında payız bayramına və bağçanın 1 illik yubileyinə həsr olunan tədbir keçirilib. Bayram tədbirində Abşeron RİH-in rəsmisi Seymur Qasımov, Abşeron RİH başçısının Masazır kənd inzibati ərazi dairəsi üzrə nümayəndəsi Şahlar Həsənov, rayon ərazisində yerləşən bir neçə məktəbəqədər təhsil müəssisələrinin rəhbərləri, tərbiyəçilər və digər qonaqlar iştirak ediblər.
30 saylı körpələr evi-uşaq bağçasının müdiri İlahə Paşayeva tədbri açıq elan edərək qonaqları salamladıqdan sonra, bağçanın 1 illik fəaliyyətinə həsr olunan video çarx nümayiş etdirilib.
Daha sonra uşaqların ifasında rəngarəng bayram proqramı təqdim olunub. Uşaqlar şeirlər söyləyib, mahnılar oxuyub, rəqs nömrələri nümayiş etdiriblər.
Məktəbəqədər təhsil müəssisəsinin 1 illik yubileyi münasibətilə bağça kollektivini və iştirakçıları təbrik edən S.Qasımov, son illərdə rayon İcra Hakimiyyətinin başçısı İradə Gülməmmədovanın tapşırıq və tövsiyələri əsasında Abşeron rayonunda bir çox uşaq bağçalarında əsaslı təmir və yenidənqurma işlərinin aparıldığını, yeni uşaq bağçalarının tikilməsi ilə bağlı xeyli işlərin görüldüyünü və bununla da məktəbəqədər təhsilin inkişafına nail olmaq istiqamətində bir sıra uğurların əldə edildiyini diqqətə çatdırıb.
Tural Kazımlı