Xırdalan şəhər 1 saylı körpələr evi-uşaq uşaq bağçasında Dövlət Bayrağı Gününə həsr olunan tədbir keçirilib. Tədbir Azərbaycan Respublikasının Dövlət Himninin səslənməsi ilə başlanıb. Sonra bağçanın tərbiyəçisi Suqra Zeynalova çıxış edərək Azərbaycan bayrağının yaranma tarixi, ona verilən önəm və 9 noyabr tarixinin "Bayraq Günü” kimi qeyd edilməsi haqqında bağçanın balaca sakinlərinə geniş məlumat verib.
3-5 yaşlılar arasında keçirilən tədbirdə balacalar vətənə, bayrağa həsr olunan şeirlər səsləndirib və mahnılar, rəqslər ifa edərək, kiçik səhnəciklər nümayiş etdiriblər.
Sonda uşaq bağçasının müdiri Vüsalə Məşədiyeva çıxış edərək balaca fidanları bayram münasıbəti ilə təbrik edib və bildirib ki, "Ölkəmizin parlaq gələcəyi sizlərin əlindədir və mən inanıram ki, siz körpələrində iştirakı ilə belə bir bayram tezliklə işğal altında olan torpaqlarımızda qeyd ediləcək və üçrəngli bayrağımız doma torpağımızda dalğalanacaq”.
