Bugün Abşeron rayon Saray qəsəbə 3№-li tam orta məktəb türk qardaşlarımız olan Tatarıstan respublikası nümayəndələrini qonaq qəbul etdi.Görüşün təşkilatçıları Rus icmasıdır.Rusiya böyük şəhərlərinin məktəbləri ilə qonşu ölkələrin məktəbləri arasında əlaqə yaratmağa , təcrübə mübadiləsi , başqa xalqların adət-ənənəsi ilə tanış olmaq məqsədi ilə belə bir layihə hazırlamışdır.Saray qəsəbə 3№-li tam orta məktəbdə bu layihədə Kazan şəhəri ilə dostluq münasibətləri yaradır.Beləki, bugun Saray qəsəbə 3№-li tam orta məktəbin şagirdləri gözəl bir tədbirlə qonaqları qarşıladılar.Şagirdlər tatar dilində müxtəlif mahnılar, şeirlər, səhnəciklərlə qonaqları heyrətə saldılar.Qonaqlar arasında Rus icmasının Azərbaycan üzrə nümayəndəsi Lyubov Timafeyevna, Tatarıstan incəsənət mərkəzinin nümayəndəsi Gülcan Məsutova,Tatarıstan respublikasının Azərbaycan respublikası üzrə daimi nümayəndəsinin müavini Akmeyev İsmayıl və nümayəndəliyin digər üzvləri Mavlyaviyeva Alina, Səidə Kərimova, Abşeron RTŞ-nın aparıcı məsləhətçisi Yavər Əhədov, metodist Çinarə Sadıqova var idi.
Şagirdlərin bu layihə çərçivəsində hazırladıqları ilk işlər qonaqlar tərəfindən çox bəyənildi.Sonda qonaqlara Azərbaycanın tarixi yerlərini üzərində əks etdirən hədiyyələr təqdim olundu.
Redaktor: Çinarə Sadıqova