Abşeron rayon İcra Hakimiyyətinin fəaliyyət planına əsasən Xırdalan şəhər 2 saylı uşaq bağçasının böyük qrupunda ”Ətraf aləmlə tanışlıq” məşğəlsində uşaqlara “Milli sərvətlərimiz ” tədris edilib.
Rayon ərazisində yerləşən bir neçə məktəbəqədər təhsil müəssisəsinin müdiriləri tərbiyəçilərinin iştirak etdikləri məşğələdə əvvəlçə Azərbaycan Respublikasının Dövlət Himninin səsləndirilib, üçrəngli bayrağımız körpə fidanlar tərəfindən səhnəyə gətirilib.
Sonra bağçanın körpə fidanlarının ifasında vətənpərvərliyi tərrənnüm edən şeirlər, mahnılar səsləndirilib və səhnəciklər nümayiş olunub,
Bağçanın tərbiyəçisi Günay Nağıyeva məşğələ zamı körpə fidanlara Azərbaycanın Milli-mənəvi sərvətləri haqqında ətraflı məlumat verib.
Tərbiyəçi məşğələdə yeni təlim üsullarından və əyani vasitələrdən də istifadə edib. Məşğələdə tədqiqatı aparmaq üçün qruplarla iş aparılıb. Körpə fidanlar qruplara bölünərək, qrup daxilində lider seçiblər. Qruplara tapşırıq və iş vərəqləri paylanılıb. Qruplar öz işlərini təqdim etdikdən sonra tərbiyəçi müəllim tərəfindən onların işi müzakirə olunub.
Məşğələnin sonunda bağçanın müdiri Fidan Tağıyeva çıxış edərək bildirib ki, məşğələnin məqsədi Azərbaycanın gələcəyi olan nur üzlü körpələri Milli sərvətlərimiz haqqında məlumatlandırmaq, onlara vətənpərvərlik hissləri aşılamaqdır.
Daha sonra çıxış edən Abşeron RİH-in əməkdaşı Samirə İsmayılzadə "Açıq məşğələ"nin yüksək səviyyədə keçdiyini, Milli-mənəvi sərvətlərimin təbliği ilə bağlı bağçada uşaqlarla geniş iş aparıldığını, nəticədə onlarda bu sahədə kifayət qədər aydın təsəvvürlər formalaşdığını qeyd edib.