Əbilhəsən Dilavərliyə qızıl medal təqdim edildi (Video+Foto)
Tarix:17-02-2019, 13:37
Abşeronlu tələbənin təhsildə daha bir uğuru. Abşeron rayon Masazır kənd 3 nömrəli tam orta məktəbin məzunu Əbilhəsən Dilavərli qızıl medala layiq görülüb. Bu münasibətlə gəncin məzunu olduğu tam orta məktəbdə tədbir keçirilib
Tədbirdə çıxış edən Masazır kənd 3 nömrəli tam orta məktəbin direktoru Lalə Quliyeva bildirib ki, Təhsil naziri Ceyhun Bayramovun əmrinə əsasən, ötən il ümumi təhsil müəssisələrinin 185 məzunu qızıl medal ilə təltif olunub. Qızıl medala layiq görülmüş məzunlardan biri də Masazır kənd 3 nömrəli tam orta məktəbin məzunu Əbilhəsən Dilavərlidir . Direktor məktəbin bu ilki uğurlarından da danışıb.
Daha sonra Abşeron rayon Təhsil şöbəsinin əməkdaşı Pərviz Əhmədov çıxış edərək məktəbi bitirən və hal hazırda Bakı Dövlət Universitetinin tələbəsi olan Əbilhəsən Dilavərlini qazandığı uğura görə təbrik edib.
Tədbirdə qızıl medal Əbilhəsən Dilavərliyə təqdim edilib.
Əbilhəsən Dilavərli bu mükafata görə çox sevindiyini və əməyi olan hər kəsə təşəkkürünü bildirib.