Xırdalan şəhər 2 nömrəli tam orta məktəbdə 21 fevral Beynəlxalq Ana dili Günü ilə əlaqədar "Ana dilim, can dilim" adlı tədbir keçirilib. Tədbirdə Təhsil Şöbəsinin əməkdaşları, KİV nümayəndələri, məktəbin pedoqoji kollektivi və şagirdlər iştirak ediblər.Tədbir Dövlət himninin səsləndiriliməsi ilə başlayıb. Çıxış edən məktəb direktoru Ədalət Camalova Azərbaycan dilinin xalqın mənəvi sərvəti olduğunu bildirərək, gələcək nəsillərin bu əmanəti qorumaq vəzifəsi daşıdığını qeyd edib.
Ə.Camalova Azərbaycan dilinin qorunması və inkişaf etməsi uğrunda ölkəmizdə həyata keçirilən islahatlardan söz açıb, dilimizin saflığının qorunmasında müəllimlərin də üzərinə böyük məsuliyyət düşdüyünü vurğulayıb.
Daha sonra, şagirdlər ana dilinin gözəlliyini əks etdirən şeirlər söyləyib, mahnılar oxuyublar. Ana dilinə aid ədəbi bədii kompozisiya nümayiş etdirilib.
