26 fevral 2019-cu il tarixdə Qobu qəsəbə 16 saylı körpələr evi-uşaq bağçasında Xocalı faciəsinin iyirmi yeddinci ildönümünə həsr edilmiş tədbir keçirilib. Tədbirdə Xocalı faciəsinin Azərbaycanın tarixində kədərli bir səhifə, insanlığa qarşı törədilmiş qəddar terror hadisəsi olduğunu qeyd edilib. Sonra Xocalı faciəsi qurbanlarının xatirəsi bir dəqiqəlik sükutla yad edilib.
Çıxış edən natiqlər xalqımıza qarşı törədilən soyqırımı və deportasiyalar barədə həqiqətləri ilk öncə övladlarımıza, sonra bütün dünyaya çatdırmağın, gələcək nəsillərə əyani surətdə göstərməyin və ictimaiyyət arasında onların təbliğinin genişləndirilməsinin vacibliyini vurğulayıblar.
Sonda uşaqların ifasında ədəbi-bədii kompozisiya təqdim edilib və soyqırıma aid şerlər söylənilib.