Ümummilli liderimiz Heydər Əliyevin anadan olmasının 96-cı ildönümü ilə əlaqədar Abşeron rayonunda silsilə tədbirlər keçirilir. İdarə, müəssisə və təşkilatlarda, elm, təhsil və səhiyyə müəssisələrində keçirilən tədbirlərdə Ulu öndərimizin əziz xatirəsi dərin hörmət və ehtiramla yad edilir. Belə tədbirlərdən biri də 10.05.2019-cu il tarixdə rayonun Xırdalan şəhərində yerləşən 17 saylı körpələr evi-uşaq bağçasında keçirilib.
Tədbir körpələrin ifasinda Azərbaycan Respublikasının dövlət himninin səslənməsi ilə başlanıbr. Körpələr evi-uşaq bağçasının sakinləri olan fidan balalar bir-birindən maraqlı, rəngarəng proqramlarla çıxışlar edərək Ulu öndərə aid şeirlər, mahnılar söylədilər, rəqs edib, səhnəciklər göstəriblər.
Tədbirlərdə çıxış edənlər ümummilli lider Heydər Əliyevin Vətən və xalq qarşısındakı misilsiz tarixi xidmətlərindən, milli dövlətçiliyin inkişafında və qüdrətlənməsində tarixi şəxsiyyət olan dahi liderin əvəzsiz xidmətlərindən söz acıb, dövlətimizin başçısı İlham Əliyevin rəhbərliyi altında Azərbaycan özünün milli dövlət quruculuğu və idarəçiliyinin növbəti şərəfli mərhələsini yaşadığını, Prezident İlham Əliyevin ulu öndərin layiqli davamçısı olaraq beynəlxalq miqyasda ölkəmizin yeganə və alternativsiz lideri kimi qəbul edildiyindən ətraflı danışıblar.