İyunun 3-də Abşeron Rayon Təhsil Şöbəsi və Rayon Yazıçılar Birliyinin birgə təşkilatçılığı ilə keçirilən “Davam et” intellektual yarışına yekun vurulub. Yarışda rayon ümumtəhsil məktəblərinin IV, IX və XI sinif şagirdləri iştirak ediblər.
Abşeron RTŞ-nın müdiri Nazilə Məmmədova və Azərbaycan Yazıçılar Birliyinin Abşeron bölməsinin sədri, yazıçı-publisist Şəhla Ağbulud çıxış edərək qeyd ediblər ki, yarışın keçirilməsində məqsəd şagirdlərin yaradıcı və bədii təfəkkürünü inkişaf etdirmək, şagirdlərin sərbəst fikir yürütmək və mühakimə qabiliyyətlərini inkişaf etdirmək olub.
Yarışın şərtlərinə əsasan şagirdlər münsiflər heyəti tərəfindən təqdim olunan müxtəlif məzmunlu fikirləri davam etdirərək, hekayə formalaşdırıblar.
Sonda qaliblərə fəxri fərman və qiymətli hədiyyələr verilib.
