Xırdalan şəhərində yerləşən 27 saylı körpələr evi- uşaq bağçası 2016-cı ildən fəaliyyət göstərir. Bu illər ərzində yüzlərlə uşaq bu bağçada tərbiyə alıb. Hazırda burada 6 qrup - kiçik, orta, qarışıq və məktəbəqədər qrup fəaliyyət göstərir və həmin qruplarda 120 uşaq tərbiyə alır. Bu il 20 uşaq bağçadan məktəbə yola salınacaqdır.
Bayramsayağı bəzədilmiş bağçada Abşeron RİH-in əməkdaşı Samirə İsmayılzadənin, rayonun məktəbəqədər tərbiyə müəssisələrinin müdirləri və valideynlərin iştirakı ilə “Əlvida bağça – salam məktəb” adlı musiqili-əyləncəli tədbir keçirilib. 27 saylı körpələr evi- uşaq bağçasının müdiri Saamirə Məmmədova qonaqları salamlayıb, bağçanın fəaliyyəti barədə məlumat verib.
Sonra uşaqların ifasında müsiqili-əyləncəli tədbir başlayıb. Müxtəlif səhnələşdirilmiş nömrələr, rəqs və mahnılar, xorun ifası tədbir iştiraksılarının alqışları ilə qarşılanıb.
Tədbirdə çıxış edən Abşeron RİH-in əməkdaşı Samirə İsmayılzadə uşaqları məktəbə getmələri münasibəti ilə təbrik edib, onlara gələcək həyatda müvəffəqiyyətlər və ölkəmiz üçün layiqli övlad olmalarını arzulayıb. S.İsmayılzadə ölkə rəhbərliyi tərəfindən respublikamızda təhsil sahəsində aparılan işlər və Abşeron rayonunda həyata keçirilən layihələr barədə ətraflı məlumat verib, bağçanın pedaqoji kollektivinə uğurlar arzulayıb.
Sonda balaca fidanlara fotolarından ibarət albomlar təqdim edilib.