Abşeron rayon Xırdalan şəhər 27 saylı körpələr evi-uşaq bağçasında qruplar arası əyləncəli idman yarışı keçirilib.
Tədbiri giriş sözü ilə açan bağçanın müdirəsi Samirə Məmmədova bildirib ki, keçirilən idman yarışı fiziki tərbiyənin tərkib hissəsi olmaqla şəxsiyyətin hərtərəfli inkişafının mühüm vasitəsidir. Şəxsiyyətin mühüm mənəvi keyfiyyətlərindən biri olan fiziki tərbiyə uşaqların səhətinin mühafizəsi və möhkəmləndirilməsinə, onların mükəmməl fiziki inkişafına yönləndirilmiş, elmi cəhətdən əsaslandırılmış vasitələrlə uşaq orqanizminin düzgün inkişaf etdirmə prosesidir. Elə bağçada verilən idman aylığının əsas məqsədi də uşaqlara öyrənmə həvəsini idmana olan marağı stimullaşdırmaqdan ibarətdir. Bu yarışların məqsədi odur ki, uşaqlar yarışın nə demək olduğunu öyrənib, qalibiyyətin zövqünü yaşasınlar. Qalib olmaq üçün çalışırlar, amma zaman – zaman qalibiyyət də var, məğlubiyyət də. Uşaqlar bunların fərqini anlayırlar, hiss edirlər.
Çıxışlardan sonra bağçanın tərbiyəçiləri Vüsalə Babayeva və Kəmalə Əliyevanın təşkilatçılığı ilə hazırlanan yarışda bağçanın məktəbə hazırlıq qrupunun balaca fidanları 2 qrupa bölünərək müxtəlif estafetlərlə yarışıblar. İdman tədbirində bağçanın “Günəş” və “Göyərçin” komandaları mübarizə aparıblar.
Komandalararası yarış bir neçə mərhələdə keçirilib.
Yarışa məktəbəqədər təhsil müəssisənin müdirəsi və tibb bacısı hakimlik ediblər.
Müxtəlif yaş qruplardan olan uşaqlar yarışlarda öz məharətlərini göstərərək həm əyləniblər, həm də yeni bilik və bacarıqlar qazanıblar.
Balacaların yarışda xüsusi fəallığı və əzimkarlığı hamı tərəfindən rəğbətlə və alqışlarla qarşılanıb.