Təhsil naziri Ceyhun Bayramov 5 oktyabr – Beynəlxalq Müəllimlər Günü münasibətilə bir qrup təhsil işçisini təltif edib. Nazirin əmri ilə həmin şəxslər təhsilin inkişafı sahəsində xidmətlərinə, gənc nəslin təlim – tərbiyəsi sahəsində yüksək nailiyyətlər əldə etdiklərinə görə təltif ediliblər.
Təltif edilən müəllimlər arasında Abşeron məktəblərinin müəllimləri də var. Belə ki,
Xırdalan şəhər 3 nömrəli tam orta məktəbin müəllimi Abdullayeva Xatirə Şamil qızı və Masazır qəsəbə 1 nömrəli tam orta məktəbin müəllimi Quliyeva Bilqeys Qüdrət qızı “Azərbaycan Respublikası qabaqcıl təhsil işçisi” döş nişanı ilə, Görədil kənd 1 nömrəli tam orta məktəbin müəllimi Heydərova Rəmziyyə Mehdi qızı isə “Azərbaycan Respublikası Təhsil Nazirliyinin Fəxri Fərmanı” ilə təltif edilib.