Bu gün Abşeron Rayon İcra Hakimiyyətində təcrübə keçəcək “ASAN könüllü”ləri ilə görüş keçirilib. Görüşdə Abşeron Rayon İcra Hakimiyyəti başçısının müavini Fuad Cəbrayılov, dövlətin həyata keçirdiyi gənclər siyasətindən, Prezident İlham Əliyevin gənclərə gösdərdiyi diqqət və qayğıdan danışıb. Ümummilli lider Heydər Əliyevin “Gənclər bizim gələcəyimizdir” fikrini xatırladan başçının müavini hökümətin gənclərin inkişafı, özlərini təsdiq etməsi və dövlət strukturlarında çalışması üçün hər bir şəraiti yaratdığını qeyd edib.
Könüllülərin İcra Hakimiyyətində böyük təcrübə və səriştə qazanacaqlarına əminliyini ifadə edən F.Cəbrayılov bu təcrübələrin onların əmək fəaliyyətləri dövründə çox böyük əhəmiyyət daşıyacağına inandığını bildirib.
Daha sonra sözügedən könüllülər, könüllülər üçün çox böyük şəraitin və imkanların yaradıldığnı qeyd edərək bütün bunların gənclər üçün stimul olduğunu, özlərinə iş yeri seçməkdə köməklik edəcəyini qeyd ediblər.