Ümummilli lider Heydər Əliyevin anım günü Abşeron rayonu Xırdalan şəhər 17 saylı körpələr evi-uşaq bağçasında da qeyd edilib. Tədbir iştirakçıları Heydər Əliyev parkına gələrək Ulu Öndərin xatirəsinə ucaldılan abidənin önünə gül dəstələri düzüblər. Sonra bağçanın məktəbəhazırlıq qrupunda “Ulu Öndər Heydər Əliyev müstəqil Azərbaycanın qurucusu və memarıdır” adlı anım tədbiri keçirilib.
Sinələrinə Ulu öndərin rəsmi sancılmış uşaqlar ümummilli lider Heydər Əliyevin xatirəsinin bir dəqiqəlik sükütla yad ediblər.
Bağçanın tərbiyəçisi Sevinc Seyfullayeva çıxış edərək Heydər Əliyevin həyat və yaradıcılığı haqqında qısa məlumat verib. S.Seyfullayeva bildirib ki, Abşeronluların da Heydər Əliyevə sevgi və məhəbbəti sonsuzdur. Bu dahi insan abşeronluların yaddaşında qurucu və xilaskar dövlət xadimi, milli lider və xalq məhəbbətini qazanan öndər kimi qalıb.
Daha sonra tərbiyəçi Heydər Əliyevin Abşeron rayonuna səfəri zamanı çəkilmiş fotolardan ibarət albomla uşaqları tanış edib.
Anım tədbirində bağçanın məktəbəhazırlıq qrupunun fidanları ulu öndərə həsr edilmiş şeirlər və onun aforizmə çevrilmiş kəlamlarını səsləndiriblər.