Xırdalan şəhər 1 saylı körpələr evi-uşaq bağçasında Xocalı faciəsinin 28-ci ildönümü ilə əlaqədar tədbir keçirilib. Bağçanın zalında faciə ilə bağlı səhnə qurulub, müxtəlif stendlər tərtib edilib, qərənfillər düzülüb. Uşaqlar Xocalı faciəsi haqqında şeir və mahnılar söyləyib, müxtəlif səhnəciklər göstəriblər.
Tədbirin sonunda bağçanın müdiri Vüsalə Məşədiyeva çıxış edərək xalqımıza qarşı törədilən soyqırımı və deportasiyalar barədə həqiqətləri ilk öncə övladlarımıza, sonra bütün dünyaya çatdırmağın, gələcək nəsillərə əyani surətdə göstərməyin və ictimaiyyət arasında onların təbliğinin genişləndirilməsinin vacibliyini vurğulayıb. V.Məşədiyeva uşaqların milli ruhda tərbiyə olunması, vətənpərvərlik hisslərinin aşılanması istiqamətində bağçada görülən işlərin bundan sonra da davam etdiriləcəyini qeyd edib.
