Abşeron Rayon Təhsil Şöbəsi ötən dərs ilində olduğu kimi bu dərs ilində də öz ənənəsinə sadiq qalaraq hər təqvim ayını tədris olunan bir fənnə həsr etmişdir.Fənn ayı çərçivəsində hər məktəbin fənn müəllimləri açıq dərslərini, yaradıcı tədbirlərini, sərgilərini və s. nümayiş etdirirlər.Keçirilən növbəti aylıq isə İbtidai təhsil aparan sinif müəllimlərinin öz işlərini təqdim etmələri üçün təşkil olunmuşdu.
Bu məqsədlə Saray qəsəbə 3 №-li tam orta məktəbin ibtidai sinif müəllimi Bahar Həsənova öz şagirdləri ilə bərabər möhtəşəm tədbir hazırlamışdılar.Tədbir qadınlar günü və Novruz bayramı ərəfəsində keçirildiyi üçün şagirdlər elə bu bayramlara aid şeirlər, mahnılar, kiçik tamaşalar hazırlamışdır.Artıq ibtidai təhsil pilləsini başa vuran 4-cü sinifin şagirdləri Bahar müəllimin onlara öyrətdiyi bilik və bacarıqlarını cəsarətlə nümüyiş etdirdilər.Şagirdlər səlis nitqləri, maraqlı düşüncələri, fərqli istedadları ilə tədbirə tamaşa edənləri heyran qoydular.
Tədbirdə çıxış edən məktəbin direktoru Təyyubə Hüseynova qeyd etdi ki, bu bacarığı onlarda aşılayan məhz ibtidai sinif müəllimləri olan-Bahar müəllimdir.Bahar müəllim bu məktəbdə işləməyə başladığı dövürdən hər zaman öz fəallığı , savadı, intellekti, kreativliyi ilə seçilir.Onun orta təhsil pilləsinə ötürdüyü siniflərin nəticələri də hər zaman yüksək olur.Direktor bildirdi ki, Bahar müəllimin məktəbdəki fəaliyyəti hər zaman məktəbə və kollektivə başucalığı gətirir.
Redaktor:Çinarə Sadıxova