Türkiyənin Ədalət və İnkişaf Partiyasından (AKP) Bursa şəhərinin Yıldırım bələdiyyəsinin sədrliyinə Oktay Yılmazın namizədliyi irəli sürülüb. Oktay Yılmaz Azərbaycanın ən böyük rayonlarından biri sayılan Abşeronla Türkiyənin Bursa şəhəri arasında sıx əlaqələrin qurulmasına və inkişafına hər zaman dəstək göstərib, Abşeron rayon İcra Hakimiyyəti və Bursa vilayətinin yerli hakimiyyət orqanlarının birgə təşkilatçığı ilə keçirilmiş tədbirlərdə iştirak edib.
Oktay Yılmazın martın 31-də keçiriləcək bələdiyyə seçkilərində Türkiyənin Ədalət və İnkişaf Partiyasından (AKP) Bursa şəhərinin Yıldırım bələdiyyəsinin sədrliyinə namizədliyi irəli sürülüb.
1977-ci ildə Ərzurumda anadan olan Oktay Yılmaz orta məktəbi Bursada oxuyub. Kırıkkale Universitetinin Kompüter Mühəndisliyi fakültəsindən məzun olan O.Yılmaz 1983-cü ildən Bursada yaşayır. 1999-cu ildə Kompüter mühəndisi kimi ilk əmək faəliyyətinə başlayıb və hal-hazırda öz şirkətinin sahibidir. Əmək faəliyyəti dövründə bir sıra dövlət qurumlarında çalışıb, o cümlədən, AKP-də 2006-cı ildə başladığı siyası həyatında , 3 dəfə ardıcıl olaraq qəsəbə bələdiyəsinin sədir müavini , 2014-cü ildə isə Osmanqazi və Böyükşəhər bələdiyyə Məclis üzvü vəzifələrini icra edib .
AK Partiyanın Yıldırım qəsəbəsinin 17 dekabr 2017-ci ildə keçirdiyi qurultayda partiyanın qəsəbə üzrə sədri seçilib. 31 mart 2019-cu ildə Yerli İdarəetmə Seçkilərində Bursa şəhərinin Yıldırım bələdiyyəsinin sədrliyinə namizəd olan Oktay Yılmaz ingilis və ərəb dillərini mükəmməl bilir.
Ailəlidir. 3 övladı var.
Qeyd edək ki, 2008-ci ilin iyun ayında Bursa bələdiyyəsi ilə Abşeron Rayon İcra Hakimiyyəti arasında “Qardaş şəhərlər”in elan olunması haqqında razılaşma əldə olunub.
Hörmətli Oktay Yılmaz ! Sizə qarşıdan gələn seçkilərdə bütün abşeronlular adından uğurlar və bələdiyyə sədri adını qazanmağı arzulayırıq.
