18 sentyabr 2015-ci ildə dahi bəstəkar, ictimai-siyasi xadim Üzeyir Hacıbəyovun anadan olmasının 130 illiyi tamam olur. 18 sentyabr həmçinin Azərbaycanda Milli Musiqi günü kimi qeyd edilir. 1995-ci ildə ümummilli lider Heydər Əliyev Üzeyir Hacıbəyovun doğum gününün musiqi günü kimi qeyd edilməsi ənənəsini rəsmiləşdirərək həmin günün Milli Musiqi Günü kimi qeyd olunması barədə sərəncam verib.
Dahi bəstəkarın yubileyi ərəfəsində Abşeron rayonunda müxtəlif tədbirlər həyata keçirilir. Abşeron rayon Heydər Əliyev Mərkəzində də bu məqsədlə 18 sentyabr 2015-ci il tarixdə Abşeron rayon Mədəniyyət və Turizm şöbəsinin təşkilatçılığı ilə dahi bəstəkar Üzeyir Hacıbəyovun 130 illik yubileyi və Milli Musiqi günü ilə əlaqədar tədbir keçirildi
Tədbirdə ilk çıxış edən Abşeron rayon Mədəniyyət və Turizm şöbəsinin müdiri İlham Manafov qeyd edib ki, XX əsrin klassik bəstəkarı Üzeyir Hacıbəyli dünyada ilk dəfə Şərq və Avropa müsiqisi arasında sintez yaratmış dahidir. Cüzeppe Verdi İtalyada, Pyotr Çaykovski Rusyada, tibbdə Hipokrat hansı səviyyədədirsə, müsiqi və operada da Üzeyir bəy onlar qədər klassik bir simadır və Şərq dünyasının müsiqi işığıdır.
Daha sonra çıxış edən Üzeyir Hacıbəyovun Ev Muzeyinin nümayəndəsi Raziyə Əliyeva qeyd edib ki,Üzeyir Hacıbəylinin səhnə yaradıcılığı, sənət və ədəbi irsi, müasir musiqi mədəniyyətinin təbliğində də önəmlidir. Onun Şərq ölkələrinin musuqi mədəniyyətinin inkişafındakı tarixi xidmətləri əvəzsizdir. Özbəkistan, Qazaxıstan, Tatarıstan, Qırğızıstan, Türkmənistan, hətta Türkiyənin də milli musiqisinin müasir musiqi ilə sintezində əməyi böyük olmuşdur. Bu saydığım ölkələrdə operetta və opera janrının yaranması da Üzeyir Hacıbəylinin adı ilə bağlıdır.
Çıxışlardan sonra məxsusi olaraq bu gün üçün hazırlanmış konsert proqramı nümayiş etdirilib.
Heydər Əliyev Mərkəzində keçirilən tədbirdə Abşeron rayon Mədəniyyət Mərkəzinin kollektivi və Xırdalan şəhər uşaq məktəbinin müəllimlərindən və şagirdlərindən ibarət xalq çalğı alətləri ansamblı dahi bəstəkarın əsərlərindən parçalar ifa ediblər
Sonda Üzeyir Hacıbəyovun Həyat və ayaradıçılığından bəhs edən sənədli filim nümayiş olunub
Baş redaktor: Şamo Əliyev