Braziliyanın Salvador da Bahiya şəhərində güləş üzrə gənclər arasında Dünya çempionatı keçirilib. Braziliyanın Salvador da Bahiya şəhərində sərbəst güləş(qadınlar arasında) üzrə gənclər arasında Dünya çempionatı keçirilib. 44 kq çəki dərəcəsində mübarizə aparan Abşeron güləş məktəbinin yetirməsi Türkan Nəsirova ardıcıl olaraq Türkiyə, Belarus, Qazaxstan və Yaponiyadan olan güləşçiləri məğlub edərək Dünya çempionatının qızıl medalına sahib olub.
44 kq
1/8 final - Türkan Nəsirova - Emine Çataloğlu (TUR) 8:0 (təmiz qələbə)
1/4 final - Kseniya Stankeviç (BLR) - Türkan Nəsirova 6:11
1/2 final - Svetlana Ankiçeva (KAZ) - Türkan Nəsirova 0:10
FİNAL - Türkan Nəsirova - Rina Okuno (JPN) 5:2
Onuda qeyd edim ki, Türkan Nəsirova 3 mart 1997-ci ildə Abşeron rayonunda dünyaya göz açıb. Hal- hazırda İdman Akademiyasının 2 kurs tələbəsidir. Sərbəst güləşə 12 yaşından başlayıb(2009- cu ildə).
Türkanın baş məşqçisi, Beynəlxalq dərəcəli hakim, idman ustası, əməkdar məşqçi adını qazanmış Tural Əliev onun uğurlarının əsas səbəbkarlarından birdir. Qeyd edim ki, Tural Əliev Azərbaycanın ən gənc əməkdar məşqçilərindən biridir.
Abşeron rayonunun tarixində qadın güləşi ilk dəfə 2011- ci ildə Abşeron rayon Uşaq Gənclər İdman məktəbinin nəznində yaradılmışdır. Həmin ildə keçirilən “Açıq Azərbaycan Çempionatı”nda 43 kq cəki dərəcəsində Türkan finalda Belarus rəqibini məğlub edərək qızıl medal qazanıb.
Türkanın uğurları bununla kifayətlənmir. O, bundan öncədə bir çox yarışlarda uğur qazanaraq, bayrağımızı yüksəklərə qaldırıb. 2012- ci ildə Bakı şəhərində keçirilən Dünya Çempionatınının gümüş medalına sahib olaraq yeniyetmə qızlar arasında ilk finalist olub. 2013-cü ildə isə Monteneqro şəhərində keçirilmiş Dünya Çempionatında 3- cü yerin sahibi olub. Türkanın növbəti uğuru kimi 2014- cü ildə Bolqariyada keçirilmiş Avropa Çempionatında 46 kq dərəcəsində birinci yerin sahibi olmasını göstərmək olar. Türkanın ugurları bununla da bitmir. 2014- cü ildə Slovakiyada baş tutmuş Dünya Çempionatında Türkan Nəsirova bürünc medalın sahibi olmuşdur. Elə həmin ildə Polşada kecirilmiş Gənclərin Avropa Çempionatında 3- cü yerə çıxmışdır. 2015- ci ildə isə İstanbulda Gənclərin Avropa Çempionatında iştirak edərək bürünc medala laiq görülmüşdür.
Xüsusi ilə qeyd edək ki, avqust ayında qazandığı qələbə nəticəsində Türkan Nəsirova Abşeron rayonu üzrə Gənclər arası ilk yarışmaların birincisi adını da qazanıb. Türkan belə gənc yaşda qazandığı bu ugurları ilə həm məşqçisinin ehtimadını doğruldub, həm də Abşeronun, eyni zamanda da bütün Azərbayacanın adını dünyaya tanıtdırıb. Bayrağımızı zirvəyə qaldıran bir çox istedadlı Abşeron idmançıları sırasında, Türkan Nəsirova da adını tarixə yazdırdı.
Redaktor : Ayşə Bayramova
