Azərbaycan Respublikasının Prezidenti yanında Bilik Fondu 2015-ci il Azərbaycan Respublikasının Milli Məclisinə keçiriləcək 5-ci çağırış seçkiləri ilə bağlı maarifləndirmə tədbirlərini davam etdirir.
Belə tədbirlərdən biri Abşeron rayon Gənclər və İdman İdarəsinin təşkilatçılığ ilə oktyabrın 22-də rayonun Heydər Əliyev Mərkəzində keçirildi.
Parlament seçkisində ilk dəfə səs verəcək abşeronlu gənclərin iştirakı ilə keçirilən görüşdə Bilik Fondunun mətbuat katibi Ceyhun Musaoğlu Abşeron rayon Gənclər və İdman İdarəsinin rəisi Əsgər Əmirəliyev və icra hakimiyyətinin saytının baş redaktoru Şamo Əliyev iştirak edirdi.
Ə.Əmirəliyev noyabrın 1-də keçiriləcək parlament seçkisinin bütün azərbaycanlıların, o cümlədən abşeronluların həyatında böyük hadisə olduğunu bildirib. Gənclər və İdman İdarəsinin rəisi səsvermənin texniki tərəflərindən danışaraq, dinləyicilərə prosesi detalları ilə izah edib.
Ş.Əliyev də gəncləri seçkilərdə aktiv olmağa çağıraraq, qeyd edib ki, onların cəmiyyətdə yaşanan proseslərə aktiv münbasibəti Azərbaycanın inkişafına bir başa təkandır.
C.Musaoğlu isə çıxışına seçkidə ilk dəfə səs verən gənclərin simasında sevinc işartıları gördüyünü deməsi ilə başladı. Bilik Fondunun mətbuat katibi qeyd etdi ki, seçmək hüquq əldə etmək və seçki prosesində iştirak etmək həqiqətən bayramdır. Onun sözlərinə görə, gənclər seçimləri ilə öz gələcəklərinə təminat yaratmış olurlar.
İnsanın daha çox seçimi ilə fərqləndiyini vurğulayan C.Musaoğlu onu da qeyd etdi ki, həyat bütün mərhələlərdə insandan mövqe tələb edir. Mövqeyi olan insanlar isə rahat yaşamağın yolunu tapmış olurlar. Bu mənada noyabrın 1-də keçirilən parlament seçkisində iştirak etmək vacibdir və seçiciyə üstünlüklər yaşadacaq. Yəni seçici artıq cəmiyyətin həyatında rol almış olacaq ki, bu mərhələ hər bir vətəndaş çatmaq istədiyi yüksəklikdir.
C.Musaoğlu görüş zamanı onu da bildirib ki, gənclər seçkidə iştirak etməklə yanaşı, həm də şəffaf şəkildə həyata keçirilən prosesi təbliğ etməlidir. Qoy bütün dünya görsün ki, müstəqil Azərbaycan şəffaf əvvəlki illərdə olduğu kimi, bu dəfə də şəffaf seçki keçirməyi bacardı. Hətta bu hadisə nümunəvi formada baş tutdu.
Bilik Fondunun mətbuat katibi görüşün sonunda gəncləri onun təmsil etdiyi qurumla sıx əməkdaşlığa dəvət etdi. Bu çağırışın cavabı olaraq, Abşeron rayon Gənclər və İdman İdarəsinin rəisi Əsgər Əmirəliyev və Abşeron İcra Hakimiyyətinin saytının baş redaktoru Şamo Əliyev maraqlı ideyalar səsləndirdilər. Bu ideyaların keçiriləcəyi məkan olaraq, Heydər əliyev Mərkəzinin qapılarının hər kəsin üzünə açıq olduğunu bildirdilər.
Redaktor: Qüdrət Məmmədov