22 dekabr 2015-ci il tarixdə M.Maqomayev adına Azərbaycan Dövlət Filarmoniyasında uşaq rəqs kollektivlərinin respublika müsabiqəsi keçirildi.Qeyd edək ki,müsabiqə gənc istedadların üzə çıxarılması, yaradıcılıqlarının inkişafına kömək və onlara dövlət qayğısının göstərilməsi, uşaq, yeniyetmə və gənclər arasında rəqs sənətinin təbliği məqsədilə Mədəniyyət və Turizm Nazirliyi tərəfindən təşkil olunub.
Müsabiqədə 20-dək rəqs kollektivi iştirak edib.Abşeron rayon Mədəniyyət Mərkəzinin “Abşeron” rəqs qrupu uşaq rəqs kollektivlərinin respublika müsabiqesinin laureat adını aldı.
Müsabiqədə iştirak edən kollektivlərə - Sumqayıt və Füzuli şəhərlərinin təmsilçilərinə,və eləcə də Abşeron rayonunu təmsil edən Elşən Həsənlinin rəhbərlik etdiyi “Abşeron” rəqs kollektivinə həvəsləndirici mükafat və fəxri fərmanlar verildi.