Abşeron rayon Mədəniyyət və Turizm şöbəsi 31 mart - Azərbaycanlıların Soyqırımı Günü ilə bağlı tabeliyində olan müəssisələrdə anım günü münasibəti ilə bir sıra tədbirlər kecirib
Belə ki, rayon mədəniyyət evində, uşaq musiqi və incəsənət məktəblərində, kitabxanalarda, rayonun muzeylərində sərgilər, anım gecələri, “dəyirmi masa”lar, kompozisiyalar, ədəbi-bədii gecələr, məlumat saatları və mühazirələr düzənlənib.
Rayon mədəniyyət və turizim şöbəsinin təşkilatçılığı ilə kecirilən növbəti anım mərasimi Abşeron rayon Heydər Əliyev Mərkəzində baş tutub
Soyqırımı qurbanlarının xatirəsi bir dəqiqəlik sükutla yad edilməklə başlayan tədbiri giriş sözü ilə açan Abşeron rayon Mədəniyyət Mərkəzinin baş metodisti Afət Nəbiyeva ermənilərin Azərbaycan torpaqlarında törətdikləri qanlı faciələrdən söhbət açıb, bu barədə dünya xalqlarına daha geniş məlumatlar çatdırılmasının vacibliyini vurğulayıb.
Qeyd olunub ki, erməni işğalçılığının geniş vüsət alması və türk-müsəlman əhalisinə qarşı törədilən təxribat, soyqırımı aktlarının əsası XIX əsrin əvvəllərində ermənilərin Şimali Azərbaycan torpaqlarına köçürülməsi ilə qoyulub. Nankor qonşularımızın zaman-zaman xalqımıza qarşı həyata keçirdikləri soyqırımı siyasətinə siyasi-hüquqi qiymət vermiş ulu öndər Heydər Əliyevin 1998-ci il martın 26-da imzaladığı fərmana əsasən, martın 31-nin ölkəmizdə Azərbaycanlıların Soyqırımı Günü elan edildiyini diqqətə çatdıran natiq hazırda Prezident İlham Əliyevin məqsədyönlü siyasəti nəticəsində dünya ictimaiyyətinin Azərbaycan həqiqətlərindən xəbər tutmağa başladığını bildirib.
A.Nəbizadə bir sıra tarixi faktlara istinad edərək erməni daşnak partiyasının havadarlığı ilə ötən əsrin əvvəllərindən etibarən əzəli Azərbaycan torpaqlarında törədilmiş qırğınlar və soyqırımı siyasətindən ətraflı bəhs edib. O,Vurğulayıb ki,1890-cı ildə “Daşnaksütyun” partiyasını yaratmaqla mənfur niyyətlərinə start verən ermənilər “yazıq millət” pərdəsi arxasında Qafqazda, Türkiyədə və dünyanın müxtəlif ölkələrində qanlı hadisələrə, terrora, qırğınlara imza atıblar. Azərbaycan xalqına qarşı soyqırımı və deportasiya siyasəti də planlaşdırılmış ssenari üzrə mərhələlərlə davam edib. XİX əsrin sonlarında və XX əsrin əvvəllərində Bakıda, eləcə də Şamaxı, Quba, Muğan və Lənkəranda həyata keçirilmiş qətliamlar nəticəsində 50 mindən artıq azərbaycanlı qətlə yetirilib, evləri talan edilib, on minlərlə soydaşımız yurd-yuvalarından didərgin salınıb.
Sonda Azərbaycanlıların soyqırımına həsr olunmuş “Həqiqətin Özü” filmi nümayiş olunub.