Abşeron rayonunda 9 noyabr – Dövlət Bayrağı Günü münasibətilə keçirilən ümumrayon yürüşündə on mindən çox sakin iştirak edib. Bayram tədbirində minlərlə insan,rayon icra hakimiyyətinin rəhbər işçiləri, hüquq mühafizə orqanlarının, müəssisələrin, idarələrin, ictimai təşkilatların əməkdaşları var idi.
9 Noyabr Bayraq Günü münasibəti ilə keçrilən tədbir Abşeron rayon icra hakimiyyətinin qarşısından start götürüb. Yürüş iştirakçıları Heydər Əliyev prospektindən, Zərifə Əliyeva və Qalubiyyə küçələrindən Heydər Əliyev parkına doğru hərəkət edərək sakinlərdə bayram əhval ruhiyyəsi oyadıblar. Rayon ictimaiyyəti və rayonun bütün ümumtəhsil məktəblərinin şagirdləri də bayram tədbirindən kənarda qalmadı, onlar da şəhərin mərkəzindən Bayraq Meydanına doğru yürüş ediblər. Yürüşçülər ümummilli liderin adını daşıyan parkdakı Bayraq Meydanına doğru hərəkət edib və başları üzərində üçrəngli bayrağımızı dalğalandırarq tədbiri daha da canlandırıblar.
Bayram tədbirində Abşeron Rayon İcra Hakimiyyətinin Başçısı İradə Gülməmmədova və hüquq mühafizə orqanlarının rəhbərləridə iştirak edib. İştirakçılar ümummilli lider Heydər Əliyevin abidəsi önünə tər çiçəklər düzüb, əziz xatirəsini yad ediblər.
Bayram münasibəti ilə bütün yaşayış binalarında üçrəngli bayrağımız dalğalanaraq sakinləri bayram şəninə çağırırdı. Xalqımızın qürur mənbəyi və iftixarı, dövlət müstəqilliyimizin əsas atributlarından olan üçrəngli bayrağımız milli ideologiyamızın təməl prinsiplərini tam mənası ilə izah edir. 1918-20 ci illərdə Azərbaycan Xalq Cumhuriyyətinin bayrağı kimi təsdiqlənən üçrəngli bayrağın dövlət bayrağı kimi qəbulunda ulu öndər Heydər Əliyevin xüsusi rolu var.
Tədbir konsert proqramı ilə davam etdirilib. Azərbaycanın tanınmış musiqiçiləri vətənə, bayrağımıza həsr olunan mahnılar ifa ediblər.
Dövlət Bayrağımız- milli bayrağımız ilk dəfə 1918-ci il noyabrın 9-da Bakıda, Azərbaycan Xalq Cümhuriyyəti Nazirlər Şurasının yerləşdiyi binada qəbul edilmiş və qaldırılmışdır. 1919- cu ildə keçirilən Paris Sülh Konfransında bayrağımız Parisdə dalğalanıb. Bayrağımız 1920-ci ilin aprel işğalınadək dövlətimizin başı üzərində dalğalanmış, süqutdan sonra isə yasaq edilərək yığışdırılıb.
Prezident İlham Əliyev Azərbaycanda Dövlət Bayrağı Gününün elan edilməsi barədə sərəncam imzalayıb. Sərəncama əsasən, hər il 9 noyabr Azərbaycanda Dövlət Bayrağı Günü kimi qeyd edilir. 17 noyabr 1990-cı il tarixdə Naxçıvan Ali Məclisinin sesiyasında Heydər Əliyevin təşəbbüsü ilə üçrəngli bayrağımızın Dövlət Bayrağı elan edilməsi ilə bağlı qərar qəbul edilmişdir. 2009-cu ilin noyabr ayında Dövlət Bayrağı Günü ilə bağlı Əmək Məcəlləsinin 105-ci maddəsinə əlavə edilmiş əlavəyə əsasən, 9 noyabr Azərbaycanda Dövlət Bayrağı Günü elan olunur və bu bayram ölkədə qeyri-iş günü olan bayramların siyahısına daxil edilir.
2010-cu ilin sentyabrın 1-də Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən Dövlət Bayrağı Meydanının - Bakı şəhərinin Bayıl sahəsində yerləşən memorial abidə-istirahət parkının təntənəli açılışı olub. O cümlədən üçrəngli bayrağımız bizim doğma Xırdalanda hazırda yığışdığımız Bayraq Meydanında dalğalanır. Bayraq dirəyinin uzunluğu 65 m, bayrağın öz uzunluğu 20 m, eni isə 10 metrdir. Bayrağın sahəsi isə 200 kvadratmter təşkil edir. Burada müxtəlif videogörüntülərin nümayiş etdirilməsi üçün böyük monitor da quraşdırılıb. Bütün bunlar da Azərbaycan Xalq Cümhuriyyətinin yadigarı olan, bu gün müstəqil ölkəmizin başı üzərində dalğalanan üçrəngli, ay-ulduzlu bayrağımıza dövlət dəviyyəsində olan ehtiramın göstəricisidir.
Bu möhtəşəm Bayraq Meydanın açılışı 04 oktyabr 2014-ci il tarixdə olub.
Şamo Əliyev
