Bu gün Abşeron rayon İcra Hakimiyyətində 20 Yanvar hadisələrinin 27-ci il dönümü ilə əlaqədar olaraq həmin hadisələrdə şəhid olan insanların ailələri və əlilləri ilə görüş keçirilib.
Görüşdə Abşeron RİH-nin Ərazi idarəetmə və yerli özünüidarəetmə orqanları ilə iş şöbəsinin müdiri Azər Məmmədov Rayon İcra Hakimiyyətinin başçısı İradə Gülməmmədovanın salamlarını çatdıraraq dünyada cərayən edən siyasi və iqtisadi proseslərdən danışıb. Bir çox ölkələrdə baş verən terror, iqtisadi krizis faktlarını misal çəkən A.Məmmədov Azərbaycanda düşünülmüş siyasət nəticəsində sabitliyin hökm sürdüyünü və ölkəmizin inkişaf etdiyini vurğulayıb. Azərbaycan tarixində 20 Yanvar şəhidlərinin və əlillərinin böyük rolu olduğunu, onların sayəsində ölkəmizin müstəqillik əldə etdiyini qeyd edən A.Məmmədova bildirib ki, öz dövləti, öz vətəni üçün çalışan insanlar heç vaxt unudulmur, onlara hər zaman dövlət diqqət və qayğı göstərir.
Sonra 20 Yanvar hadisələri zamanı əlil olan Hüseyn Abbasov, Eyşan İsgəndərov və digərləri çıxış edərək Azərbaycanın dövlət müstəqilliyinin hər bir nüansdan üstün olduğunu, vətən üçün ölməyin şərəf gətirdiyini qeyd ediblər. Dövlətin olara göstərdiyi diqqət və qayğıya görə minnətdarlıqlarını ifadə edən çıxışçılar ölkə rəhbərliyinin həyata keçirdiyi daxili və xarici siyasəti dəstəklədiklərini ifadə ediblər.
Sonda 20 Yanvar hadisələri zamanı şəhid olan insanların ailələrinə və əlillərinə maddi yardım verilib.
