13- 24 yanvar Abşeron rayon Gənclər və İdman İdarəsi tərəfindən keçirilən rayon məktəblilərinin XX Spartakiadasının proqramına daxil olan “Basketbol” üzrə oğlanlar arasında rayon birinciliyi keçirilib.
Masazır 4 saylı orta məktəbdə 32 komanda tərkibində 278 nəfər idmançının iştirakı ilə keçirilən yarışın məqsədi, yeniyetmə və gənclərin asudə vaxtlarının səmərəli təşkili olub.
Final görüşündən önçə çıxış edən Abşeron rayon Gənclər və İdman İdarəsinin rəisi Əsgər Əmirəliyev bildirib ki, bu səpkidən olan yarışların təşkil edilməsi rayonda basketbol idman növünün inkişaf etdirilməsi, yeniyetmələrin bu idman növünə maraqlarının artırılması və asudə vaxtlarının səmərəli təşkili, həmçinin, basketbol oyunu üzrə rayonun ən güclülərinin müəyyənləşdirilməsi məqsədi daşıyır.
O həmçinin qeyd edib ki, Abşeron Rayon Gənclər və İdman İdarəsi dövlətimizin idmanın inkişafı istiqamətində apardığı siyasətə öz əməli ilə dəstək verən qurumlardan biridir.İdarə tərəfindən mütəmadi olaraq rayonda idmanın müxtəlif növləri üzrə yarışların təşkil olunduğu da diqqətə çatdırılıb.
Yarışın nəticəsinə görə I yeri Xırdalan 3 saylı tam orta məktəbin komandası, II yeri Qobu 1 saylı tam orta məktəbin komandası, III yeri Xırdalan şəhər 2 saylı tam orta məktəbin komandası tutub.
Sonda qalib komandalar Abşeron Rayon Gənclər və İdman İdarəsinin müvafiq dərəcəli diplom və medalları ilə təltif olunublar.
Şamo Əliyev
