Bu gün 16 mart tarixində “Kristal Abşeron” Şirkəti Xırdalan şəhərində inşa etdiyi binalarda mənzil alan vətəndaşlara çıxarışların təqdimetmə mərasimini təşkil etdi. Əmlak Məsələləri Dövlət Komitəsi binanın sakinlərinə birbaşa yaşadıqları binanın həyətində qeydiyyat xidmətindən istifadə edilməsi üçün şərait yaradıblar.
Çıxarışlar Komitənin “Kütləvi çıxarış” kampaniyası çərçivəsində verildi. Kampaniya zamanı 100-dən çox bina sakinləri komitənin mobil ofislərində qeydiyyat xidmətlərindən istifadə edərək, öz mənzillərinə çıxarışlar əldə ediblər. Bir çox vətəndaşlara isə çıxarışla əvəz olunması üçün ilkin mülkiyyət sənədləri qəbul edilib.
Tədbirdə Kristal Abşeron” MTK-nın sədri Azər Məhərrəmov çıxışında qeyd etdi ki, bu gün zəhmətin bəhrəsini görürlər: «İnsanlar sevinclidir, biz də sevinirik. “Hiss edirik ki, gördüyümüz işdən razıdırlar. “Kristal Abşeron”un Xırdalandakı kompleksində bu günə qədər 1500-ə qədər çıxarış verilib. Təkcə bu gün 100-dən çox mənzilə çıxarış verildi. Çıxarışlar mənzil alındıqdan 10 gün sonra təqdim olunur. Hansı binanın tikilişi başa çatırsa, çıxarışı da tez bir zamanda hazırlanır.
Mənzilə köçən sakin hər cür şəraitlə, su, qaz, işıqla təmin olunmuş olur”. Sonda A. Məhərrəmov Novruz bayramı münasibətilə Xalqımızı təbrik edərək, cansağlığ və xöşbəxtlik arzuladı.
199
0
307
0
